Entoloma sericeum Quél. 1872

Silkiroðla (fræðiheiti: Entoloma sericeum) er fansveppur af roðluætt. Silkiroðla er algengasta roðlutegundin á Íslandi.^[2]

Útlit

Silkiroðla dökkbrún og silkiglansandi, stafurinn er 2-7 cm langur og hatturinn 1-5 cm breiður. Fanir silkiroðlu eru fyrst ljósgráar og svo rauðgrábrúnar en stafurinn er ljósgrábrúnn með silfruðum þráðum og klofnar þegar hann er handleikinn. Holdið inni í hettunni er ljóst.^[2]

Gró silkiroðlu eru 7,5-10,5 x 7-8,5 µm.^[2]

Búsvæði

Silkiroðla er algengasta roðlutegundin á Íslandi.^[2] Hún er rotvera^[3] sem vex í graslendi, mest í gömlum túnum og beitihögum.^[2] Hún sprettur frá júlí til október.^[2]

Silkiroðla var með fyrstu sveppategundunum til að finnast í Surtsey. Hún fannst þar sumarið 2005 þar sem hún óx innan um vallarsveifgras og melgresi inni í máfavarpi sunnarlega á eyjunni.^[3]

Matgæði

Silkiroðla er ekki talin æt og jafnvel lítilsháttar eitruð.^[2]

Hún hefur milt mjölkennt bragð og mjöl- eða ávaxtakennda lykt. Skyld tegund, Entoloma sericoides hefur svipuð einkenni og silkiroðlan nema daufari lykt og brúnni lit.^[2]

Myndir

• Silkiroðla í garði nærri Massy, Frakklandi.

• Nærmynd af fönum silkiroðlu í Washington-fylki í Bandaríkjunum.

• Teikning af silkiroðlu í gamalli breskri sveppabók.

Tilvísanir

Wikimedia Commons er með margmiðlunarefni sem tengist

Silkiroðlu

Þessi líffræðigrein er stubbur. Þú getur hjálpað til með því að bæta við greinina.