Tradescantia (conusìda pò a col nòm popolàr de Erba mizéria) l'è 'l nòm de 'n zèner de piànte erbàcee e perèni che fà part de la famìa botànica de le Commelinaceae e uriginàre de l'America. La töl dét 'na setantìna de spéci distribüìde del Canada meridiunàl enfìna a l'Argentina setentriunàla. L'è stàda portàda 'n Euròpa come piànta ornamentàl endèl sècol XVII. Vergöne de le spéci che fà part de chèsto zèner i è stàde ogèt de stüde citogenétich per vìa del fat che le s'è evulvìde per mès de scàmbe cromozòmich de natüra vària e diferensiàda, tat strütürài che nömèrich. Chèsto zèner l'è stat ogèt de atensiù pò a per la sò perdispuzisiù a deentà de le èrbe 'nfestànte fastidiùze per l'agricültüra e pò a per la pusibilità de dopràle come indicadùr biològich per la determinasiù de la prezènsa 'ndèl ambiènt de mutàgeni.
El Linèo el g'ha dàt nòm a chèsto zèner en unùr a John Tradescant Jr. (1608-1662), natüralìsta e viazadùr che g'ha portàt endèl Regn Ünìt divèrse spéci de piànte americàne catàde sö endèle sò tre spedisiù en Virginia (Stati Ünìcc).[2] La prìma spéce discriìda l'è stàda la Tradescantia virginiana, portàda 'n Europa 'ndèl 1629, e cultiàda come ornamentàla.
Tradescantia (conusìda pò a col nòm popolàr de Erba mizéria) l'è 'l nòm de 'n zèner de piànte erbàcee e perèni che fà part de la famìa botànica de le Commelinaceae e uriginàre de l'America. La töl dét 'na setantìna de spéci distribüìde del Canada meridiunàl enfìna a l'Argentina setentriunàla. L'è stàda portàda 'n Euròpa come piànta ornamentàl endèl sècol XVII. Vergöne de le spéci che fà part de chèsto zèner i è stàde ogèt de stüde citogenétich per vìa del fat che le s'è evulvìde per mès de scàmbe cromozòmich de natüra vària e diferensiàda, tat strütürài che nömèrich. Chèsto zèner l'è stat ogèt de atensiù pò a per la sò perdispuzisiù a deentà de le èrbe 'nfestànte fastidiùze per l'agricültüra e pò a per la pusibilità de dopràle come indicadùr biològich per la determinasiù de la prezènsa 'ndèl ambiènt de mutàgeni.
El Linèo el g'ha dàt nòm a chèsto zèner en unùr a John Tradescant Jr. (1608-1662), natüralìsta e viazadùr che g'ha portàt endèl Regn Ünìt divèrse spéci de piànte americàne catàde sö endèle sò tre spedisiù en Virginia (Stati Ünìcc). La prìma spéce discriìda l'è stàda la Tradescantia virginiana, portàda 'n Europa 'ndèl 1629, e cultiàda come ornamentàla.
