Asian Wild Ass

"Хулан" нь энэ хуудсанд шууд холбогджээ. Өөр утгыг үзэхийг хүсвэл, Хулан (салаа утга)-г үзнэ үү.

Хулан (Equus hemionus) Адууныхан (Equidae) овгийн Equus төрөлд хамаарах том хөхтөн. Сири, Иран, Пакистан, Энэтхэг, Израиль, Түвд, Монголын элсэн цөл, говиор нутагладаг.

Бусад бэлчээрийн амьтны нэгэн адил авлуулуулах, амьдрах орчин алдагдсан зэргийн улмаас тархац нь ихээхэн хумигдсан бөгөөд зургаан дэд зүйлээс нэг нь устсан, хоёр нь устах аюултай байна. Түвдийн киангийг (E. kiang) урьд нь хулангийн E. hemionus kiang хэмээх дэд зүйл гэж үздэг байсан боловч сүүлийн үеийн судалгаагаар энэ тусдаа зүйл болох нь тогтоогдож байна.

Хулан биеэр илжигнээс арай том, 290 орчим кг жинтэй, 2.1 метр урт, адуутай илүү төстэй. Адууг бодвол богино хөлтэй, өнгө нь улирлаа даган өөрчлөгддөг. Зун нь улаавтар хүрэн, өвөл нь шаравтар хүрэн болдог. Нурууны дунд хүртлээ хар судалтай. Ер сургах боломжгүй. Эртний Шүмэрт МЭӨ 2600 оны үед тэргэнд хөллөж байсан, МЭӨ 2000 оны үед байлдааны хөнгөн тэрэгт ашиглаж байсан гэх баримт байдаг. Гэхдээ эдгээр нь гэрийн илжиг байсан байх гэж өдгөө үздэг. (Clutton-Brock, 1992)

Дэд зүйлүүд

• Монгол хулан, Equus hemionus hemionus
• Сири хулан, Equus hemionus hemippus (устсан байна)
• Говийн хулан буюу Зиггетай, Equus hemionus luteus
• Туркмен хулан, Equus hemionus kulan
• Перс хулан, Equus hemionus onager
• Энэтхэг хулан, Equus hemionus khur

Ном зүй

• Duncan, P. (ed.). 1992. Zebras, Asses, and Horses: an Action Plan for the Conservation of Wild Equids. IUCN/SSC Equid Specialist Group. IUCN, Gland, Switzerland.
• Moehlman, P. & Feh, C. 2002. Equus hemionus. In: IUCN 2004. 2004 IUCN Red List of Threatened Species. . Downloaded on 21 January 2006.