El cóngaru, de nome científicu Conger conger, un pexe de la familia de los cóngridos, común na parte este del Atlánticu norte, asina como en tol Mediterraneu, mar Negru y mar Bálticu.
Especie bentonica y solitaria, atopase en tolos llitorales rocosos dende pocos metros hasta los 500, xeneralmente, amatagáu en cueves y furacos, pero tamién sobre fondos basosos.
Activu mientres la tardina y la nueche. Ye un voraz depredador de pexes, crustaceos y cefalópodos y comenenciosu carnaciegu.. Reproduzse una sola vegada na vida, pel branu, y pasa una llarga etapa llarvaria; la maduror sexual algama-y ente los 5 y los 15 años; los machos maduren cuando tienen ente 50 y 75 cms; les femes preñaes pueden llegar a pesar unos 40 kg con unos ovarios de 8 kg y de unes 3 a 8 millones de güevares.
La so carne ye relativamente apreciada, comercialízase fresca. La pesca puede ser artesanal, semi industrial y deportiva con artes de sablera, tresmallos de fondu, redes d'arrastre y palangres.
