Waifoita (a Faifoita, Pfaifolter, Zwifoita, Dog- oda Nochtfoita und Summafogi gnennt, auf Hochdeitsch: Schmetterling, Lodainisch: Lepidoptera) han a Insektnoat des auf da gaunzn Wöd aussa in da Antarktis gibt und de mid iwa 180.000 Untaoatn, de wo zu 127 Familien und 46 Üwafamilien zaumgfosst wean, noch de Kefa de oatnreichsde Insektnoadnung han. Es wean oiwai nu a jeds Joa umara 700 neiche Oatn dazua gfundn. In Mitlairopa gibts umara 4.000 faschidane Waifoita-Oatn.
Des uaschbringliche Woat in de boarischn Dialekt fia de Schmetaling woa Waifoita, Pfaifoita oda Faifoita. Des kimd fum oidhochdeitschn „fifaltra“ (oidenglisch: „fifealde“), wos so fü wia flatan oda Flatara hoast und is a mid'n italienischn Woat „farfalle“ fawaunt, so wia doatn a de Schmetalingsnudln hoassn. A aundas Dialektwoat dafia woa Summafögi, wai mas am mearan im Summa zan seng griagt hod. De Woatkreazion is a analog zu de Beefögi, oiso de Bienen. Ois wos in da Luft umadum fliagt hod ma im Dialekt fria Fögi gnend.
S'Woat Schmetaling is in Bayern und Estareich eascht so ums 18tn Joahundat aufkema und kimd uaschbringli aus'n Slawischn. Genau so wia de Englenda heit „butterfly“ song, oiso Budafliang, haum de Tschechn, de Sorbn und de Boin de Waifoita a gnend und Buda hoast auf Slawisch 'smetana. A in maunche deitsche Dialekt, de fü Kondakt zan Slawischn ghobt haum, hod daun da Buda „Schmand“ oda „Schmetten“ ghoassn. Und aso is a des Woat „Schmetterling“ iwa Schlesien und Ostdeitschlaund ins Hochdeitsche kema. Nochdem si de neiche hochdeitsche Schriftschbroch im 19tn Joahundat a in Bayern und Estareich oiwai meara ausbroat hod, san de oidn Dialektweata oiwai meara faschwundn, so dasss heit fost koana mea kend und a in da modeanen Umgaungsschbroch sogt ma heit fost oiwai „Schmetterling“, hoid grod a weng dialektmassi gsogt.
Des Woat Nachtfoita wead aa heid no im Boarischn füa divease nachaktive Artn wia Mottn und Schwärma haifiga vawendt. Ois Voabuid füa de Foita (z. B. da Zidronafoita) nennan vui im Owaboarischn de dogaktivn Foita nacha Dogfoita, oda nua Foita.
Waifoita (a Faifoita, Pfaifolter, Zwifoita, Dog- oda Nochtfoita und Summafogi gnennt, auf Hochdeitsch: Schmetterling, Lodainisch: Lepidoptera) han a Insektnoat des auf da gaunzn Wöd aussa in da Antarktis gibt und de mid iwa 180.000 Untaoatn, de wo zu 127 Familien und 46 Üwafamilien zaumgfosst wean, noch de Kefa de oatnreichsde Insektnoadnung han. Es wean oiwai nu a jeds Joa umara 700 neiche Oatn dazua gfundn. In Mitlairopa gibts umara 4.000 faschidane Waifoita-Oatn.
