Ar minoc'h-dour (Neomys fodiens) a zo ur bronneg bihan eus Eurazia.
Etre 7 ha 10 cm eo hirder e gorf, hag e lost zo etre 5 hag 8 cm. E bouez zo etre 8 ha 25 g. Bihan eo e zaoulagad hag e zivskouarn. Evel ar minoc'hed all eo hir ha begek e voj. E feur (du war e gein ha gwenn war e gof) zo didreuzus d'an dour.
En em vagañ a ra ar minoc'h-dour diwar amprevaned dour, pesked bihan, raned, buzhug ha c'hwiled.
Padout a ra an dougen etre 14 ha 21 devezh hag etre 4 ha 7 minoc'h-dour bihan a vez gant pep torad. Dizonet e vezont goude 6 sizhun.
