I ragni (Araneae Clerck, 1757) i xe un ordene de Aracnidi, sudivixo, a agosto 2012, inte 112 fameje che łe conprende ben 43.245 speci. I xe artropodi terestri provisti de cheliceri e i ga el corpo sudivixo in do segmenti, cefalotorace e opistosoma, e oto sate. I do segmenti i xe łigai da un picenin pedexeło de forma siłindrica. Pa intrapołar łe prede i ragni de sòłito i se costruisse ła scarpìa, dita anca teƚarìna. Raquanti ragni i xe vełenoxi.
