O reno u ren (Rangifer tarandus (L., 1758)) ye una especie d'a familia Cervidae present en o norte d'Eurasia y Nordamerica que habita en a tundra y en a taiga. A diferiencia d'atras especies d'a familia as fembras tamién presentan cuernos. En a zaguera glaciación (Würm) se distribuiba tan en sud como os monts Pireneus y norte d'a Peninsula Iberica y constituiba una d'as prencipals fuents d'alimentación d'os cazataires d'o Paleolitico superior. Encara en o sieglo XX muitos pueblos cazataires de Siberia u Nordamerica dependeban d'o R.tarandus. Manimenos a domesticación d'esta especie ya s'heba produeito fa bell sieglo y bi ha pueblos como os lapons y determinaus pueblos de Siberia y Mongolia que practican a transuancia con esta especie.
S'alimenta prencipalment de liquens, pero tamién mincha graminias y ciperacias, no fendo desprecio d'alimentos d'orichen animal como polletz que troba en niedos u dica lemmings.
Por o suyo comportamiento gregario y no territorial ye o solo miembro d'a familia Cervidae que s'ha puesto domesticar de tot.
En o pasau consideraban as formas americanas u caribús como una especie diferent, actualment a tendencia ye a considerar que bi ha dos grupos de subespecies, o grupo de subespecies d'a tundra y o grupo de subespecies d'a taiga, independientment de en qué continent habitan. Si actualment esta especie ye tipica d'os dos biomas debantditos, en o Pleistoceno yera una especie adaptable que podeba habitar tamién en parameras con tascas secas entre selvetas y matigals.
O reno u ren (Rangifer tarandus (L., 1758)) ye una especie d'a familia Cervidae present en o norte d'Eurasia y Nordamerica que habita en a tundra y en a taiga. A diferiencia d'atras especies d'a familia as fembras tamién presentan cuernos. En a zaguera glaciación (Würm) se distribuiba tan en sud como os monts Pireneus y norte d'a Peninsula Iberica y constituiba una d'as prencipals fuents d'alimentación d'os cazataires d'o Paleolitico superior. Encara en o sieglo XX muitos pueblos cazataires de Siberia u Nordamerica dependeban d'o R.tarandus. Manimenos a domesticación d'esta especie ya s'heba produeito fa bell sieglo y bi ha pueblos como os lapons y determinaus pueblos de Siberia y Mongolia que practican a transuancia con esta especie.
S'alimenta prencipalment de liquens, pero tamién mincha graminias y ciperacias, no fendo desprecio d'alimentos d'orichen animal como polletz que troba en niedos u dica lemmings.
Por o suyo comportamiento gregario y no territorial ye o solo miembro d'a familia Cervidae que s'ha puesto domesticar de tot.
