La Blankabrida ibiso (Plegadis chihi) estas specio de birdoj de la familio de Treskiornitedoj[1][2].
Tiu specio reproduktiĝas kolonie en marĉoj, kutime nestumante en arbustoj aŭ malaltaj arboj. Ties reprodukta teritorio etendas el okcidenta Usono suden tra Meksiko, same kiel ĝis el sudorienta Brazilo kaj sudorienta Bolivio suden al centra Argentino, kaj laŭlonge de la marbordo de centra Ĉilio. Ties vintraj teritorioj etendas el suda Kalifornio kaj Luiziano suden por inkludi la reston de ties reproduktaj teritorioj.
Ĝi estas tre simila al la Bruna ibiso en ties nereprodukta plumaro, sed la plumarkoloro estas iome pli forta kaj la reproduktaj plenkreskuloj havas rozkolorajn vizaĝon (fakte mallarĝa bridareo el bekobazo al ĉirkaŭokulo) borde kun blanka areo[3], griza beko, kaj pli ruĝaj kruroj. La ĝenerala plumaro estas bruna, nome helbruna ĉe kapo kaj kolo, malhelbruna en dorso dum reprodukta plumaro kaj kun flavecaj nuancoj for de la reprodukta sezono. Plenkreskuloj havas ruĝajn irisojn la tutan jaron, dum la Bruna ibiso havas malhelajn irisojn. Plenkreskuloj havas ruĝecbrunan areon ĉeŝultre. Junuloj de ambaŭ specioj estas preskaŭ identaj.
La Blankabrida ibiso (Plegadis chihi) estas specio de birdoj de la familio de Treskiornitedoj.
