Black Shag

ৰাজস্থানত প্ৰজনন নোহোৱা কালত এটা দৈকলা

দৈকলা ^[2](ইংৰাজী: Great Cormorant, বৈজ্ঞানিক নাম-Phalacrocorax carbo), এবিধ সমগ্ৰ বিশ্বতে বহুলভাৱে বিস্তৃত হৈ থকা জলচৰ চৰাইৰ প্ৰজাতি৷ ই cormorant পৰিয়ালৰ অন্তৰ্ভুক্ত৷ ^[3]

বিৱৰণ

উৰন্ত অৱস্থাত দৈকলা

হাৰিয়ানাত প্ৰজনন কালত দৈকলা

দৈকলা এবিধ ডাঙৰ আকাৰৰ আৰু ক'লা বৰণৰ জলচৰ চৰাই৷ অৱশ্যে ই বিস্তৃত হৈ থকা অঞ্চলভেদে ইয়াৰ আকাৰ আৰু দেহৰ ৰঙৰ তাৰতম্য দেখা পোৱা যায়৷ ইয়াৰ ওজন সাধাৰণতে ১.৫ কি:গ্ৰা: হয়৷^{[4] [5][6]}দৈকলাৰ দেহৰ দৈৰ্ঘ্য ৭০-১০২ ছে:মি: পৰ্যন্ত হ'ব পাৰে৷^[7][8] ইয়াৰ নেজ দীঘল, ডিঙিত হালধীয়া দাগ আছে৷ পূৰ্ণবয়স্ক দৈকলাৰ প্ৰজনন কালত উৰু অংশত বগা দাগ দেখা যায়৷

টেক্স'নমি

গ্ৰীচত এটা এলবিন' দৈকলা চৰাই^[9]

দৈকলাৰ কেইবাবিধো উপ-প্ৰজাতি দেখা পোৱা যায়৷ ইয়াৰ ভিতৰত প্ৰধান হৈছে-

• P. c. carbo- আটলান্টিক মহাসাগৰীয়া দ্বীপসমূ্হত
• P. carbo novaehollandiae^[10]-অষ্ট্ৰেলিয়া
• P. c. lucidus-আফ্ৰিকা
• P. c. sinensis-এছিয়া
• 'P. c. maroccanus -উত্তৰ-পশ্চিম আফ্ৰিকা
• 'P. c. hannedae -জাপান

বিতৰণ

দৈকলা সমগ্ৰ বিশ্বতে বহুলভাৱে বিস্তৃত হৈ থকা এবিধ চৰাইৰ প্ৰজাতি৷ ইয়াক দক্ষিণ আমেৰিকা তথা এন্টাৰ্কটিকাৰ বাহিৰে প্ৰায় সকলো মহাদেশতে দেখা পোৱা যায়৷

বাসস্থান

দৈকলাই সাধাৰণতে হ্ৰদ, নৈ, জান-জুৰি আদি বিভিন্ন ধৰণৰ জলাশয়ত চৰে৷

আচৰণ

খাদ্য

দৈকলাই পানীৰ যথেষ্ট গভীৰলৈকে যাব পাৰে যদিও প্ৰায়ে ই অগভীৰ পানীত চিকাৰ ধৰি খায়৷ ই বিভিন্ন ধৰণৰ সৰু-বৰ মাছ খাই জীয়াই থাকে৷

প্ৰজনন

দৈকলাই সাধাৰণতে জলাশয়ৰ আশে পাশে শিলাময় পাহাৰত বা গছত বাহ সাজে৷ বাহ সাজিবলৈ ই গছৰ ডাল-পাত আদি ব্যৱহাৰ কৰা দেখা যায়৷ ই এবাৰত ৩-৪ টাকৈ কণী পাৰে৷

মানুহৰ সৈতে সম্পৰ্ক

দৈকলাক চীন, জাপানকে ধৰি বিশ্বৰ বিভিন্ন ঠাইত সমূহীয়াকৈ মাছ ধৰা কামত মাছমৰীয়া সকলে ব্যৱহাৰ কৰি আহিছে৷ এই প্ৰক্ৰিয়াত মাছমৰীয়া জনে দৈকলাৰ ডিঙিত মাছ গিলিব নোৱাৰাকৈ এডাল ৰছী বান্ধি দিয়ে আৰু মাছ ধৰা সৰু নাওৰ লগত আগবাঢ়ি যাবলৈ দিয়ে৷ দৈকলাই মাছ ধৰিবলৈ সক্ষম হয় কিন্তু ৰছীডালৰ বাবে সম্পূৰ্ণকৈ গিলি পেলাব নোৱাৰে ৷ গতিকে এই পৰ্বৰ শেষত মাছমৰীয়াই দৈকলা চৰাইৰ মুখৰ পৰা মাছবোৰ সংগ্ৰহ কৰি লয়৷

স্থিতি তথা সংৰক্ষণ

চীনত দৈকলাৰ সহায়ত মাছ ধৰা অৱস্থাত

বহুতো মাছমৰীয়াই দৈকলাক মাছৰ বাবে নিজৰ প্ৰতিযোগী বুলি গণ্য কৰে আৰু এইবাবেই অতীজত দৈকলাৰ বিস্তৰ পৰিমাণে চিকাৰ কৰা হৈছিল৷ অৱশ্যে পৰৱৰ্ত্তী কালত ইয়াৰ সংৰক্ষণৰ বাবে বিভিন্ন পদক্ষেপ লোৱাত ইয়াৰ জনসংখ্যা বিলুপ্তিৰ পৰা ৰক্ষা পৰে৷^[11] কিন্তু ইয়াৰ ক্ৰমাৎ বৃদ্ধি পোৱা জনসংখ্যাই পুনৰ মাছমৰীয়াসকলৰ ওপৰত বিৰূপ প্ৰভাৱ পেলাবলৈ আৰম্ভ কৰিছে৷ ^[12][13]

আলোকচিত্ৰৰ ভঁৰাল

• অষ্ট্ৰেলিয়াত দৈকলা

• ভাৰতত প্ৰজননৰ সময়ত দৈকলা

• অষ্ট্ৰেলিয়াত দৈকলা

• দৈকলাৰ ক'লনী

• ভাৰতত পোৱালী দৈকলা

• হংকং-ত দৈকলা

• অষ্ট্ৰেলিয়াত দৈকলা

• উৰন্ত অৱস্থাত দৈকলা

• বেলজিয়ামত দৈকলা

• চীনত দৈকলা

• দৈকলা

• Phalacrocorax carbo

• অষ্ট্ৰেলিয়াত বাহ সাজি থকা অৱস্থাত দৈকলা

• Great Cormorants resting with Darter (Ahinga), other cormorants & Great Egret

• Museum specimen

তথ্যসুত্ৰ

লগতে চাওক

• Sibley, C. G., & Monroe, B. L. (1990). Distribution and taxonomy of birds of the world. New Haven CT: Yale University Press.
• Ian Sinclair, Phil Hockey and Warwick Tarboton, SASOL Birds of Southern Africa (Struik 2002) ISBN 1-86872-721-1

Separation of carbo and sinensis

• Newson, Stuart, Graham Ekins, Baz Hughes, Ian Russell and Robin Sellers (2005) Separation of North Atlantic and Continental Cormorants Birding World 18(3):107–111
• Millington, Richard (2005) Identification of North Atlantic and Continental Cormorants Birding World 18(3):112–123