Adi qanqal (lat. Cirsium vulgare) — Hündürlüyü 50-150 sm, gövdəsi yuxarı hissədə budaqlanmış, bölümlütəhər-qanadlı, nazik hörümçək toruna oxşar tüklü olan ikiillik ot bitkisidir [1].
Yarpaqları üst tərəfdən tikanlarla qismən sıx örtülmüşdür, alt tərəfdən hörümçək toruna oxşar tüklü olub, keçə tüklərə qədər dəyişir, xətvari-uzunsovdur, uzunluğu 5-15 sm, eni 2-7 sm-dir, gövdəyə tədricən birləşəndir, üçkünc-neştərvariyə lələkvari bölünmüşdür, 2-3 ədəd ayrı dilimlərinin bölümləri uc hissədə uzunsərt tikanlı, kənarları isə xırda nazik tikanlıdır.
Səbətləri tikanlı və xirda yarpaqlı gövdə və budaqların uc hissəsində yerləşib, yumurtaşəkillidir, təkdir və eni 2,5 -4,5 sm-dir. Çiçəkləri çəhrayı rəngdən bənövşəyi-tünd qırmızı rəngədək dəyişir.
Toxumları 3-4 mm uzunluqdadır, sarımtıl və ya açıq-qəhvəyi rəngdə olub, qara uzununa zolaqlıdır; kəkili ağımtıldır.
İyun
İyul-sentyabr
Azərbaycanın bütün rayonlarında. Ovalıqdan subalp qurşağına qədər.
Meşə talalarında, yol boyunca, ruderal bitki kimi yaşayış evlərinin yaxınlığında rast gəlinir.
Adi qanqal (lat. Cirsium vulgare) — Hündürlüyü 50-150 sm, gövdəsi yuxarı hissədə budaqlanmış, bölümlütəhər-qanadlı, nazik hörümçək toruna oxşar tüklü olan ikiillik ot bitkisidir .
