Los dasiuromorfos (Dasyuromorphia) son un orde de mamíferos marsupiales reinales del continente australianu.
L'orixe de los dasiuromorfos ta nel Oligocenu Cimeru, siendo la familia Thylacinidae la primera qu'empezó a estremase. Namái una especie d'esta familia, el llobu marsupial (Thylacinus cynocephalus) sobrevivió hasta tiempos históricos, anque se declaró estinguíu na primer metá del sieglu XX. Les otres dos especies conocíes de tilacínidos sumieron nel Pleistocenu.
La perda de la hexemonía de los tilacínidos tuvo llugar mientres el Miocenu tardíu, coincidiendo cola gran diversificación que los dasiúridos, apaecíos mientres el Miocenu Mediu .
Nengún de los grupos con especies vives nel presente surdió antes del Pliocenu, pero tolos fósiles procedentes del Pleistocenu conocen entá especies estrechamente emparentaes con exemplares vivos.
Polo que respecta a los mirmecóbidos, los datos fósiles más antiguos que se conocen proceden del Pleistocenu.
Estos animales habiten Australia, Tasmania, Nueva Guinea y les islles cercanes, colonizando gran variedá d'ecosistemes d'esta rexón xeográfica. La mayor parte d'ellos tienen vezos terrestres, magar delles especies son puramente arborícoles.
Los vezos alimenticios varien dende la dieta puramente a base de termes y otros inseutos coloniales de Myrmecobius fasciatus a la puramente carnívora de Thylacinus cynocephalus.
Tan variada como los nichos ecolóxicos qu'ocupen, ye l'aspeutu y les carauterístiques anatómiques de los animales clasificaos nel orde, presentando namái delles traces comunes a toles especies como son el tener un marsupiu escasamente desenvueltu que, en delles especies solo rescampla en dómines de cría, el nun presentar fenómenos de sindactilia y una fórmula dentaria poliprotodonta.
.
Los dasiuromorfos (Dasyuromorphia) son un orde de mamíferos marsupiales reinales del continente australianu.
