Apysahũ (karaiñe'ẽ: cachilo de antifaz)[1] - (Coryphaspiza melanotis) ha'e peteĩ guyra juehegua, juehepehẽ herava Emberizidae pegua, oikoveva tetã Argentinape, Boliviape, Pindoramape, Paraguáipe ha Perũme.[2]
Ko guyra oikove kapi'itýre, ñu orekova heta yvyra ha yvyra rakã'i, ka'a guasúre, ha tenda oĩva 1.200 metro yguasu ári.[2]
Ijyvate ha'e 13,5 cm nunga, yvatekuére. Itĩ ári hũva ha guýre ipytã'yjúva. Apysahũ iñakã hũva, iñakã ári hũva avei, ijahy'o ha hete guýre imorotĩva, oguereko avei mokõi mbore hũva hete ykére; ijatúa ihũngyva, ijatukupe marrõ, haipypáma po'ihápe hũva; ipepo sa'yky kangy ha sa'yju; apysahũ huguái hũva ha ijapýra imorotĩva. Apysahũ kuña ha'e pytũmbyveva, ipepo sa'ykyveva ha, ijatukupe imarrõpáma.[3]
Ko guyra ho'u heta yva ha'ỹi, yva ro'o ha mymba'i. Oheka hembi'urã yvýre mante.[3]
Apysahũ (karaiñe'ẽ: cachilo de antifaz) - (Coryphaspiza melanotis) ha'e peteĩ guyra juehegua, juehepehẽ herava Emberizidae pegua, oikoveva tetã Argentinape, Boliviape, Pindoramape, Paraguáipe ha Perũme.
