Triticum (nomen a Linnaeo anno 1753 statutum)[1] est genus poacearum e quo species quattuor domesticatae sunt et duae per terrarum orbem fere ubique coluntur. Cultivatio in regione Crescentis Fertilis Asiae Occidentalis incepit.
De genere
Hoc poacearum genus ex Asia occidentali oritur. Paulo latius hodie in collibus et planitiebus a paeninsula Balcanica per Asiam occidentalem usque in Afgania species silvestris crescitur, videlicet Triticum monococcum ssp. aegilopoides. Ex hac (accuratius e populationibus Anatoliae meridio-orientalis) derivatum est frumentum omnium antiquissimum ab hominibus cultum, T. monococcum ssp. monococcum.
Boream versus in Armenia anno 1938 moxque in regionibus montanis Turciae orientalis, Syriae Iracique borealis et Iraniae boreo-occidentalis reperta est species silvestris cognata T. urartu. Qua specie nunquam ut videtur cultivata, hybrida olim producta est tetraploides, genomo A ex T. urartu dempto, genomo D ex herba Aegilope tuaschii. E quo hybrida silvestri, quem appellare oportet T. turgidum ssp. dicoccoides, derivatum est frumentum alterum valde antiquum, videlicet T. turgidum ssp. dicoccum sive Latinitate classica "far". Inde mox provenit frumentum libere extritum, ssp. durum.[2]
- Index specierum et subspecierum
Hanelt, ed. (2001) The Plant List Triticum monococcum L.
Triticum monococcum ssp.
aegilopoides (Link) Thell.
Triticum boeoticum Boiss.
Triticum monococcum ssp.
monococcum Triticum monococcum L.
Triticum urartu Thumanjan ex Gandilyan
Triticum urartu Thumanjan ex Gandilyan
Triticum turgidum L.
Triticum turgidum ssp.
dicoccoides (Körn. ex Asch. & Graebn.) Thell.
Triticum dicoccoides (Körn. ex Asch. & Graebn.) Schweinf.
Triticum turgidum ssp.
dicoccon (Schrank) Thell.
Triticum dicoccon (Schrank) Schübl.
Triticum turgidum ssp.
carthlicum (Nevski) Á.Löve
Triticum carthlicum Nevski
Triticum turgidum ssp.
georgicum (Dekapr. & Menabde) MacKey ex Hanelt,
comb. nov. [3] Triticum turgidum ssp.
turanicum (Jakubz.) Á.& D.Löve
Triticum turanicum Jakubz.
Triticum turgidum ssp.
abyssinicum Vavilov
Triticum aethiopicum Jakubz.
Triticum turgidum ssp.
jakubzineri Udachin & Shakhm.
Triticum jakubzineri (Udachin & Shakhm.) Udachin & Shakhm.
Triticum turgidum ssp.
polonicum (L.) Á.Löve
Triticum polonicum L.
Triticum turgidum ssp.
turgidum Triticum turgidum L.
Triticum turgidum ssp.
durum (Desf.) Husn.
Triticum durum Desf.
Triticum timopheevii (Zhuk.) Zhuk.
Triticum timopheevii ssp.
armeniacum (Jakubz.) van Slageren
[4] Triticum timopheevii ssp.
timopheevii Triticum timopheevii (Zhuk.) Zhuk.
Triticum aestivum L.
Triticum aestivum ssp.
macha (Dekapr. & Menabde) MacKey
Triticum macha Dekapr. & Menabde
Triticum aestivum ssp.
spelta (L.) Thell.
Triticum spelta L.
Triticum aestivum ssp.
compactum (Host) Thell.
Triticum compactum Host
Triticum aestivum ssp.
aestivum Triticum aestivum L.
Triticum aestivum ssp.
sphaerococcum (Percival) MacKey
Triticum sphaerococcum Percival
Species domesticatae
Inter frumenta, nulla seges maior est quam tritici, nisi maizium, tertia oryza. Semina tritici usurpantur in farinam, pabulum pecudum et boum, cervisiam, et furfur nonnumquam obteritur ut cibi valentiores fiant. Ex culmo arido saepe fit stramentum.
Triticum factum est ex domesticatione Tritici boeotici et Tritici dicocci.
Siligo (Triticum aestivum) est laudatissimum tritici genus. Apud antiquos (praesertim Plinium Maiorem), saepe quasi genus omnino aliud, neque species tritici, nominatur.
Unam legis e paginis de
disserentibus
Antiquitus
Tempore Romano, triticum iam maxime invaluerat. Verbum farinae, quoniam triticum tam frequenti in usu erat, semper triticeam farinam indicabat, nisi cum alio adiectivo coniunctum esset.
Granea triticea erat pultis genus ex tritico detrito et lacte.[5] Tali pulte non solum Romani sed etiam Asiatici utebantur.
Amulum apud antiquos e tritico elixo fieri solebat (hodie autem, e maizio saepius). Erat etiam dulce ex triticeo amulo, eiusdem nominis.
Hispani antiqui cervisiam ex tritico coquebant, nomine caeliae aut cereae.
Notae
Bibliographia
- Alain Bonjean, "Histoire de la culture des céréales et en particulier de celle du blé tendre (Triticum aestivum L.)" in Agriculture et biodiversité des plantes (Dossier de l’environnement de l’INRA, no. 21) pp. 29-37
- Alain Bonjean, E. Picard, Les céréales à paille: origine, histoire, économie, sélection. Lutetiae: Softword – Groupe ITM, 1990
- "Wheat" in Andrew Dalby, Food in the Ancient World from A to Z (Londinii, 2003. ISBN 0415232597) p. 348-9
-
M. Feldman, F. G. H. Lupton, T. E. Miller, "Wheats" in J. Smartt, N. W. Simmonds, Evolution of Crop Plants (Londinii: Longman, 1995) pp. 184-192
-
"Triticum" in Peter Hanelt, ed., Mansfeld's Encyclopedia of Agricultural and Horticultural Crops (Berolini: Springer, 2001. ISBN 3-540-41017-1) pp. 2565-2591 (Paginae selectae apud Google Books)
-
Mark Nesbitt, D. Samuel, "From staple crop to extinction: The archaeology and history of the hulled wheats" in S. Padulosi, K. Hammer, J. Heller, edd., Hulled Wheat (Romae, 1996) pp. 41-100
-
Gitte Petersen, Ole Seberg, Merete Yde, Kasper Berthelsen, "Phylogenetic relationships of Triticum and Aegilops and evidence for the origin of the A, B, and D genomes of common wheat (Triticum aestivum)" in Molecular Phylogenetics and Evolution vol. 39 (2006) pp. 70–82
-
"Wheats" in Daniel Zohary, Maria Hopf, Domestication of Plants in the Old World: the origin and spread of cultivated plants in West Asia, Europe and the Nile Valley. 3a ed. (Oxonii: Oxford University Press, 2000. ISBN 9780198503569) pp. 19-59
Nexus externi
Situs scientifici: Tropicos •
GRIN •
ITIS •
NCBI •
Biodiversity •
Encyclopedia of Life •
GrassBase •
Plant Name Index •
WoRMS: Marine Species •
Plantes d'Afrique •
Flora of China •
USDA Plants Database Vide
"Triticum" apud
Vicispecies.
Lege
Σιπίον ("Triticum (genus)") apud
Vicipaediam lingua Graeca antiqua scriptam