L'espart o alfa (de l'arab halfa), estipa tenaça es una planta erbacèa vivaça de la familha de las poacèas, originària de las regions aridas de l'oèst del bacin de la Mediterranèa, que servís entre autre a fabricar de papièrs d'impression de qualitat.
Per extension, lo tèrme designa lo papièr fabricat amb aquela planta.
Nom scientific: Macrochloa tenacissima (Loefl. ex L.) Kunth (synonyme : Stipa tenacissima L.), familha de las poacèas, sosfamilha de las Pooideae, tribú de las Stipeae.
L'espart fa de matas de gaireben un mètre de naut, formant de vasts espandiments dins las regions d'ariditat mejana.
Aquela espècia es originària de l'Oèst del bacin mediterranèu: en Africa del Nòrd del Marròc a la Libia, e Euròpa del Sud (Espanha, Itàlia).
L'espart cobrís per exemple de vastas zonas dels nauts plans argerians.
Las grainas en grelhada se pòdon majar per l'òme.
Las fuèlhas mai joves d'espart fan de pasturas pel cavals, les dromedaris, mas la planta tròp rica en lignina pòt pas servir pels autres erbivòrs.
L'espart es una planta utilizada per sas fibras. Se'n fabrica una pasta de papèl reputada. Las fibras venent de sas fuèlhas pòdon, un còp filaldas, s'utilizar per realizar de còrdas. Al prima, la fuèlha es teissida per confectionar d'objèctes de espartariá: panièrs, coufins...
Aquela a tanben un interés ecologic per lutar contra l'erosion dins las regions d'estepas aridas.
L'espart o alfa (de l'arab halfa), estipa tenaça es una planta erbacèa vivaça de la familha de las poacèas, originària de las regions aridas de l'oèst del bacin de la Mediterranèa, que servís entre autre a fabricar de papièrs d'impression de qualitat.
Per extension, lo tèrme designa lo papièr fabricat amb aquela planta.
Nom scientific: Macrochloa tenacissima (Loefl. ex L.) Kunth (synonyme : Stipa tenacissima L.), familha de las poacèas, sosfamilha de las Pooideae, tribú de las Stipeae.
