Lingsang tutul (Prionodon pardicolor) ya iku lingsang kang ana ing Asia Kidul-wétan. Kéwan iki sumebar amba sanajan cacahé mung sethithik lan arang kacathet, lan kalebu Ora Nyamari dening IUCN.[2]
Lungsang tutul saèmper karo lingsang lorèk, kanthi awak kang dawa, awak langsing, lan buntut dawa. Ulesé soklat kluwus.[3] Boboté udakara 1 lb (0.45 kg) lan dawané saka 14–15 in (360–380 mm), lan buntut 12–13 in (300–330 mm). Déné dhuwuré watara 5–5.5 in (130–140 mm).[4]
Sebaran lingsang tutul kalebu ana ing wétan Nepal, Sikkim, Assam lan Bengali ing India, Bhutan, Myanmar sisih lor, Thailand sisih lor, Laos, Vietnam sisih lor, lan kulon Sichuan, Yunnan Guizhou lan kidul-kulon Guangxi ing Cina sisih kidul. Ing laladan kang amba kuwi, lingsang tutul arang ditemokaké lan pinuju langka. Lingsang tutul arang ditemokaké ing lor Bengal.[5]
Lingsang tutul kalebu kéwan nokturnal lan urip dhéwékan. Susuhé ana ing bolongan wit, kanggo ngaso lan sèlèh anak. Lingsang tutul bebedhag ing lemah lan sadhuwuré wit-witan lan mangan tikus, kodhok lan ula. Lingsang tutul uga mangan bathang.
Lingsang tutul (Prionodon pardicolor) ya iku lingsang kang ana ing Asia Kidul-wétan. Kéwan iki sumebar amba sanajan cacahé mung sethithik lan arang kacathet, lan kalebu Ora Nyamari dening IUCN.
