Golden Algae

Qızılı yosunlar (lat. Chrysophyta) eukariotlara daxil olan sinif.

Xəzər dənizində iki növü məlumdur;

• Dinobryon baltikum koloniya halında yaşayır.
• Dinobryon sertularia koloniyası kolşəkilli olur və dənizin müxtəlif yerlərində yaşayır.

Xrizomonadidlər (lat. – Chrysomonadida ) – Forması bəzən dairəvi, ovalvarı, bəzən uzunsov olur. Hüceyrənin ön ucunda bir qamçısı var. Xromotoforları sarı və ya qonur, məməşəkilli və ya torvarı formadadır. Ehtiyat maddəsi – leykozin və yağlardır. Qidalanması avtotrof, heterotrof və saprofitdir. Yığılıb-açılan vakuolları sadə quruluşludur. Çoxalması əsasən uzununa bölünmə yolu ilə baş verir. Şirin və dəniz sularında, torpaqlarında məskunlaşır. Gil qatında bitki qalıqları ilə zəngin olan şirinsu hövzələrində daha çoxsaylıdır. Suyun təmizlənməsində iştirak edir.^[1]

Xrizomonadidlər dəstəsinə 3 fəsilə Chrysomonadaceae fəsiləsi (sinonimi Ochromonadaceae), Monadidae və Oicomonadidae fəsilələri daxildir. Bu fəsilələrə isə 14 cins Chromulina, Chrysapsis, Chrysococcus, Chrysoglena, Dinobryon, Kephyrion, Mallomonas, Microglena, Ochromonas,Synura,Uroglena, Monas, Oicomonas, Pseudochromulina daxildir. Azərbaycanda, uyğun olaraq Monadidae və Oicomonadidae fəsilələrinə mənsub olan Monas və Oicomonas cinsinin nümayəndələri məlumdur.^[2]

Ədəbiyyat

1. Амирасланова Т. И. «Простейшие (Protozoa) сероземных почв Ширванской степи при посевах хлопчатника, люцерны и кукурузы.» Автореф. канд.дис. Баку, 1967, 21с.;
2. Мусаев М. А., Ибадов Р.Р «Видовой состав и численность почвенных простейших в ризосфере некоторых субтропических растений (мандарин, фейхоа, лавр благородный) Ленкоранской природной области.» Изв. АН Азерб. СССР, сер. биол. наук, Баку, 1979, №2, с. 76-82.

Həmçinin bax

• Xlamidomonada
• Bitki qamçılıları

İstinadlar