Campephilus melanoleucos ye una especie d'ave piciforme de la familia de los picatueros (Picidae), que s'atopa dende'l sur de Panamá hasta'l norte d'Arxentina y en Trinidá.
Ye un picatueru grande, que mide ente 33 y 38 cm de llargor y pesa en promediu 250 g. El machu presenta a cabeza y copete coloraos, con un llurdiu blancu na base del picu. La fema tien la corona y la parte de tras de la cabeza negres y una llarga llinia blanca ente los güeyos y la base del picu. Tien una franxa blanca a cada llau del pescuezu, que va hasta les escapulares. L'envés ye negru con una “V” blanca. El gargüelu, la parte anterior del pescuezu y el pechu son negru uniforme. El banduyu ye blancu pardusco con rayes negres.[2]
Aliméntase de canesbes d'inseutos que viven escondíes detrás de les corteces d'árboles secos. Tamién comen frutos.
Fai'l so nial escavando na parte alta de tueros d'árboles secos o palmeres. La fema pon 2 a 3 güevos blancos y brillosos.[2]
Vive en pareyes o en grupos d'hasta 5 individuos. Ye común n'árees campestres arbolíos, carbes, palmes, bosque de galería.
.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Campephilus melanoleucos ye una especie d'ave piciforme de la familia de los picatueros (Picidae), que s'atopa dende'l sur de Panamá hasta'l norte d'Arxentina y en Trinidá.
