Coeligena Lesson & R 1833

Coeligena er ei biologisk slekt av mellomstore til store, snøgt flygande kolibriar som lever i høglandet i Andesfjella frå midt i Bolivia i sør, nordover til nordlegaste Colombia og nordvestre Venezuela.

Skildring

Coeligena-kolibriar har kroppslengd på frå 11 til 14,5 cm og veg mellom 6 og 8 gram. Dei har 28-34 mm lange, rette, nesten nåleliknande nebb, og syner kjønnsdimorfisme i lengda på nebbet. Når dei sit på ei grein held dei nebbet litt oppeikande.^[1] Dei fleste artane har ein liten kvit flekk bak auget. Medan artane har liknande kroppsbygging og proporsjonar, varierer dei mykje i fjørdrakt.

Desse artane flyg med stor snøggleik, dei fleste av artane nyttar ei fast rute og vitjar dei einskilde blomane med lange intervall mellom vitjingane.^[1]

Artslista

Det er 11 aksepterte artar i slekta. Nokre artar som bronseinka og kvitbrystinka er vidt utbreidde, medan andre som svartinka og Coeligena orina har særs avgrensa utbreiing. Nokre artar lever i små isolerte habitat i dei fjellrike områda av Sierra Nevada de Santa Marta i det nordlege Colombia, og i Cordillera del Condor i Ecuador.

Coeligena i rekkjefølgje etter EBird/Clements Checklist v2018^[2] med norske namn etter Norske navn på verdens fugler:^[3]

• Bronseinka, Coeligena coeligena, Bronzy Inca, LC, Lesson, 1833 ^[4]
• Bruninka, Coeligena wilsoni, Brown Inca, LC, DeLattre & Bourcier, 1846 ^[5]
• Svartinka, Coeligena prunellei, Black Inca, VU, Bourcier, 1843 ^[6]
• Kvitbrystinka, Coeligena torquata, Collared Inca, LC, Boissonneau, 1840 ^[7]
• Fiolettstrupeinka, Coeligena violifer, Violet-throated Starfrontlet NOFPeru2008, LC, Gould, 1846 ^[8]
• Regnbogeinka, Coeligena iris, Rainbow Starfrontlet, LC, Gould, 1854 ^[9]
• Kvithaleinka, Coeligena phalerata, White-tailed Starfrontlet, LC, Bangs, 1898 ^[10]
• Oreadeinka, Coeligena orina, Dusky Starfrontlet, CR, Wetmore, 1953 ^[11]
• Opalvenginka, Coeligena lutetiae, Buff-winged Starfrontlet, LC, DeLattre & Bourcier, 1846 ^[12]
• Gyllenbukinka, Coeligena bonapartei, Golden-bellied Starfrontlet, LC, Boissonneau, 1840 ^[13]
• Rosenbukinka, Coeligena helianthea, Blue-throated Starfrontlet, LC, Lesson, 1838 ^[14]

Kjelder

Referansar

Bakgrunnsstoff

Wikimedia Commons har multimedia som gjeld: Coeligena