La Blunuka klorofonjo (Chlorophonia cyanea) estas birdospecio de la familio de Fringedoj (iam en Traŭpedoj) kaj genro de Klorofonjoj, kiu enhavas buntkolorajn speciojn ĉefe verdajn kaj ĉefe en supraj partoj kun flavaj subaj partoj kaj bluaj kapomarkoj. Ĝi estas ĝenerale komuna.
Ĝi estas malgranda, fortika, ĉefe verda birdo. Subaj partoj estas flavaj, dum kapo kaj supra brusto estas helverdaj kaj tre rimarkinde helbluaj la nuko, pugo kaj okulringo kaj la dorso verdecblua. Beko kaj kruroj estas grizaj. Kelkaj subspecioj havas flavan fruntan makuleton. Inoj estas pli senkoloraj ol maskloj, kun subaj partoj pli verdecflavaj kaj malpli bluaj nuko kaj dorso.
Ties distribuado estas tre disa, kun populacioj asociaj al la Atlantika Arbaro en sudorienta Brazilo, orienta Paragvajo kaj nordorienta Argentino, Andoj el Bolivio sude al Venezuelo norde, la Perijá kaj Sierra Nevada de Santa Marta, la Venezuela Marbordo, kaj la Tepujoj. Ĉiuj populacioj estas asociaj kun humidaj arbaroj, sed surloke ili loĝas ankaŭ en proksimaj ĝardenoj kaj parkoj (ĉefe en la regiono de la Atlantika Arbaro). Plej parto de populacioj troviĝas en subtropikaj altaj teroj, sed ili loĝas sube ĝis proksime de marnivelo en la regiono de la Atlantika Arbaro.
La Blunuka klorofonjo (Chlorophonia cyanea) estas birdospecio de la familio de Fringedoj (iam en Traŭpedoj) kaj genro de Klorofonjoj, kiu enhavas buntkolorajn speciojn ĉefe verdajn kaj ĉefe en supraj partoj kun flavaj subaj partoj kaj bluaj kapomarkoj. Ĝi estas ĝenerale komuna.
