Ursus Linnaeus 1758

Ursus (L., 1758), que significa «onso» en latín, ye un chenero de mamiferos placentarios carnivoros d'a familia Ursidae, d'a qual en ye o chenero tipo. Ye o chenero con más especies vivas en a subfamilia Ursinae.

Especies

Especies actuals:

• Ursus americanus: L'onso negro americano.
• Ursus arctos: L'onso pardo.
• Ursus maritimus: L'onso polar.
• Ursus tibethanus: L'onso tibetano.
• Ursus crowtheri: L'onso de l'Atlas. Desapareixiu en a decada de 1870, actualment se piensa que probablement no yera que una subespecie d'Ursus arctos, y caldría decir-le Ursus arctos crowtheri. Manimenos, como no s'ha conservau garra eixemplar no se puet contrimostrar.^[1]

Especies extinctas:

• Ursus minimus: Un onso d'o periodo Plioceno dende fa 5,3 millons d'anyos dica fa 1,8 millons d'anyos.
• Ursus etruscus: L'onso etrusco. Antipasau probable en os linaches d'os onsos pardos actuals y os onsos cavernarios. Existió en Europa dende fa arredol de 5 millons d'anyos dica fa 2 Ma.
• Ursus deningeri: L'onso de Deninger. Habitó en Eurasia en buena cosa d'o periodo Pleistoceno, entre fa 1,7-1,8 millons d'anyos y fa 100000 anyos.
• Ursus spelaeus: L'onso d'as cavernas. Descendient probable d'U. deningeri, comienza a amaneixer en o rechistro fósil fa arredol de 250000 anyos, y s'extingue fa nomás 27000 anyos.

Referencias