Die Klipsuier (Chorisochismus dentex) is 'n seevis wat endemies is aan Suid-Afrika en kom vanaf Swakopmund tot by Durban voor. In Engels staan die vis bekend as die Rocksucker.
Die vis se kleur verander na aanleiding van die omgewing. Die bekkenvinne is aangepas sodat dit 'n skyf vorm waarmee die vis aan rotse vassuig. Nadat die vis dood is, verander die kleur na rooierig. Die vis word tot 30 cm groot.
Die vis is 'n bodembewoner en gaan nooit dieper as 10 m nie. Hulle leef veral in getypoele. Indien hengelaars die vis vang suig die vis so vas aan die rotse dat die hengelaar se lyn sal breek sonder dat die vis die rots sal los.
Die Klipsuier (Chorisochismus dentex) is 'n seevis wat endemies is aan Suid-Afrika en kom vanaf Swakopmund tot by Durban voor. In Engels staan die vis bekend as die Rocksucker.
