Die Sesstreep-seepvis (Grammistes sexlineatus) is 'n vis wat voorkom in die Indiese-Pasifiese area, die Rooisee, die westelike Indiese Oseaan en aan die ooskus van Afrika van Oman tot by Algoabaai. In Engels staan die vis bekend as die Sixstripe soapfish.
Die vis se lyf is donker bruin met 4 - 6 geel horisontale strepe op. By die ouer visse lyk die strepe soos stippel lyne. Die onvolwasse vissies het geel kolle op. Die vis word tot 27 cm lank.
Die vis leef in vlak koraal en rots riwwe en die onvolwasse vissies in getypoele. Hulle word nooit dieper as 50 m gesien nie. Die vis se vel produseer 'n laag toksiese slym (dit gee die vis 'n slegte smaak) as 'n afweermiddel. Die spesie is alleenswemmers en vreet skaaldiere en vis. Die vis kan in akwariums oorleef.
Die Sesstreep-seepvis (Grammistes sexlineatus) is 'n vis wat voorkom in die Indiese-Pasifiese area, die Rooisee, die westelike Indiese Oseaan en aan die ooskus van Afrika van Oman tot by Algoabaai. In Engels staan die vis bekend as die Sixstripe soapfish.
