Eutherian

Высшы ссавцѣ (Eutheria), од (гр.) εὐ-, eu- "добре" або "праве" и θηρίον, thēríon "звѣря" циже "правы звѣрята"– инфраклас живородных ссавцьох. Вшиткы днесь екзистуючы Eutheria, их послѣдный общый предок и его вымерлы потомкы належать ку плаценталом.

Од иншых ссавцьох, вырозняють ся Eutheria розличныма фенотипичныма властностями своих ног, кецеленок, вилиць и зубох. Главным роздѣловым знаком Eutheria, котрым ся оддѣляють од низшых ссавцьох, е абсенция торбовых косток, што не ограничать росширѣня бриха в часѣ выношованя плода.

Найстаршый днесь познатый представитель Eutheria — вид Juramaia sinensis, котрый жив около 160 млн рокы тому.

Eutheria vs Placentalia

Давнѣйше назву Eutheria брали як синоним Placentalia, але в сучасности переважать позиция, же тото суть окремы таксоны.^[2]

В року 1872 Теодор Гилл описав Eutheria так, же зараховав там и торбарьох Marsupialia и их предкох, але в сучасной дефиниции, котра е од Томаса Генри Гаксли, 1880, торбарѣ Marsupialia не входять до Eutheria.^[3]

В сучасности понятя Eutheria е ширше од Placentalia:

• Placentalia обнимать вшиткы днесь ествуючы плаценталы и их послѣдного общого предка;
• Eutheria обнимать вшиткы Placentalia, а плус ку тому вшиткы вымерлы ссавцѣ, котры мають послѣдного в часѣ общого предка зоз плаценталами, а не з торбарями.

Референции