Die Swartrug-beitelbek (Varicorhinus dimidiatus) is 'n varswater vis wat voorkom in die Ruorivier en sytakke van die laer Zambezirivier stelsel. In Engels staan die vis bekend as die Blacktop chiselmouth.
Die vis het 'n lang, skraal lyf en die kop is kort, rond en die mond is klein. Daar is normaalweg geen baarde teenwoordig nie. Die sylyn is laag op die sye. Die bokant van die vis is goud-olyf kleurig en onder die sylyn is die vis room tot liggeel van kleur. Die vinne is donker olyf kleurig. Die vis word tot 245 mm lank.
Die visse leef in skole saam in vinnig vloeiende gedeeltes van riviere en diep rots poele. Hulle vreet deur alge van die rotse te skraap en leef saam met die Skeermes-beitelbek.
Die Swartrug-beitelbek (Varicorhinus dimidiatus) is 'n varswater vis wat voorkom in die Ruorivier en sytakke van die laer Zambezirivier stelsel. In Engels staan die vis bekend as die Blacktop chiselmouth.
