Os cepólidos (Cepolidae) son unha familia de peixes mariños, a única incluída na superfamilia Cepoloidea dentro da orde Perciformes.
Teñen un corpo alargado, comprimido e aguzado cara á rexión caudal. As aletas dorsal e anal conflúen coa caudal nunha longa e baixa aleta única; aquelas non posúen radios espiñosos ou, como moito 4 a primeira e 1 a segunda. A liña lateral segue o perfil do dorso ó longo da base da aleta dorsal.
Alcanzan tamaños de ata 70 cm de lonxitude, no caso da Cepola macrophthalma (antes C. rubescens [1]), común no mar Mediterráneo.
Son peixes mariños distribuídos polo Atlántico oriental, incluído o Mediterráneo, e Indo-Pacífico oriental ata Nova Zelandia. Adoitan vivir en buratos que escavan na area ou na lama, e aliméntanse de zooplancto. Os ovos son peláxicos.
Divídense en 5 xéneros:
Os cepólidos (Cepolidae) son unha familia de peixes mariños, a única incluída na superfamilia Cepoloidea dentro da orde Perciformes.
