Мумгиёҳ[1] (лот. Dionysia involucrata) — гиёҳест нимбуттаи болиштакшакл аз ҷинси Dionysia.
Баргҳояш хурд, 4 — 7 мм дарозӣ дорад. Шакли баргҳо нештаршакл ё тухммонанд мебошад. Хӯшагулаш чатр аз 3 — 5 гул иборат аст. Гурӯҳ-гурӯҳ (якчандбехӣ) мерӯяд.
Онро фақат аз ҳавзаи дарёи Варзоб (нишебиҳои ҷануби қаторкўҳи Ҳисор) чиндаанд. Дар шахсор (дар баландиҳои 1200—1300 м аз сатҳи баҳр) месабзад.
Мумгиёҳ намуди нодир ва камёфт буда ба феҳристи гиёҳони «Китоби Сурхи Тоҷикистон» дохил шуда, мувофиқи маълумоти овардаи китоб, намуди осебпазир (VU) шинохта шуда, хоси Тоҷикистони Марказӣ аст.
Дар натиҷаи мумгиёҳро чиндани сайёҳон ва дар маҳалҳои рушди он чарондани чорво камшумор гаштааст. Муҳити рушди онро қатъӣ ҳифз карда, ҳамчун гиёҳи хеле базеб ва дорои равғани эфир парваридан лозим аст. Дар маҳалле, ки ин гиёҳ бисёр аст, парваришгоҳ барпо кардан зарур мебошад[2].
