Opposite Leaved Golden Saxifrage

Blěda šleznička (Chrysosplenium oppositifolium) je rostlina ze swójby rupikowych rostlinow (Saxifragaceae).

Wopis

Blěda šleznička je trajne zelo, kotrež docpěwa wysokosć wot 5 hač 20 cm.

Stołpik je štyrihranity.

Łopjena su přećiwostejne, kulojte, na kromje zubate a na hornim boku słabje seršćate.

Kćěje wot měrca hač meje. 4-10 małych, žołtojtych kćenjow su zwjetša wot słabje žołtojtych łopješkach wobdate. Kćenje ma jenož štyri keluškowe łopješka ale nima krónu a docpěwa wulkosć wot něhdźe 3 mm.

Stejnišćo

Rosće na rěčnych brjohach, na pluskotanych skałach a žórłach. Preferuje chłódne, mokre, zwjetša małowapnite pódy na chłódkojtych, powětrowłóžnych stejnišćach.

Rozšěrjenje

Nóžki

1. ↑ W internetowym słowniku: Milzkraut

Žórła

• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 260 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Blěda šleznička

Blěda šleznička. W: FloraWeb.de. (němsce)