Al Paragónimus westermàni (nóm sientìfic Paragonimus westermani) 'l è 'n bêg piàt parasìta dla famìja di Troglotrematidae ch'al viṿ in Àśia specialmènt. 'L è respunsàbil 'd un brut mâł ciamâ Paragonimìaśi ch'al culpìs al gèn'r umàṅ.
In d'l óm al bêg s fà strada in dal còrp (da adûlt al riva a èsar lung 8-15 mm) par rivàr in dū stmani da 'l budèli a i palmòṅ in dua al s sèra dènt'r a na cisti e al taca a far dòp dū o tri méś di óṿ a tut andàr, grand a 'l incìrca 85 µm par 50 µm. Al vérum al pōl andàr avànti acsè anc par vint an. Al sistéma imunitàri al reagìs e a s fórma dal lìquid scûr che piàn piàṅ al taca a impinìr 'l òrgan, faghénd vgnir la tós e fadìga a tōr fiâ.
S'a n al s vōda briśa in présia a s và in a risć ad murìr.
'L óm (òspit definitìṿ) al lasa andàr i óṿ c'n i scaràć, i spûd o c'n i pét. Da lè al parasìta al pōl pasàr in dl'àqua a i mulùsc, cuma 'l lumàghi 'd àqua, e pò a i gàmbar o i granfi ch'i li màgnan (òspit intermèdi). Quànd 'l óm al màgna a sò vòlta cal bèsti lè minga còti bèṅ, al pōl ciapàr al vérum.
Al Paragónimus westermàni (nóm sientìfic Paragonimus westermani) 'l è 'n bêg piàt parasìta dla famìja di Troglotrematidae ch'al viṿ in Àśia specialmènt. 'L è respunsàbil 'd un brut mâł ciamâ Paragonimìaśi ch'al culpìs al gèn'r umàṅ.
In d'l óm al bêg s fà strada in dal còrp (da adûlt al riva a èsar lung 8-15 mm) par rivàr in dū stmani da 'l budèli a i palmòṅ in dua al s sèra dènt'r a na cisti e al taca a far dòp dū o tri méś di óṿ a tut andàr, grand a 'l incìrca 85 µm par 50 µm. Al vérum al pōl andàr avànti acsè anc par vint an. Al sistéma imunitàri al reagìs e a s fórma dal lìquid scûr che piàn piàṅ al taca a impinìr 'l òrgan, faghénd vgnir la tós e fadìga a tōr fiâ.
S'a n al s vōda briśa in présia a s và in a risć ad murìr.
'L óm (òspit definitìṿ) al lasa andàr i óṿ c'n i scaràć, i spûd o c'n i pét. Da lè al parasìta al pōl pasàr in dl'àqua a i mulùsc, cuma 'l lumàghi 'd àqua, e pò a i gàmbar o i granfi ch'i li màgnan (òspit intermèdi). Quànd 'l óm al màgna a sò vòlta cal bèsti lè minga còti bèṅ, al pōl ciapàr al vérum.
