Vaccinium arboreum (Arbovakcinio aŭ Scintilbero) estas specio de Vakcinio indiĝena de la sudorienta Usono, de suda Virginio okcidente ĝis sudorienta Nebrasko, sude ĝis Florido kaj orienta Teksaso, kaj norde ĝis Ilinojso.[1]
Vaccinium arboreum estas arbedo (malofte malgranda arbo) kreskanta ĝis 3-5 m (malofte 9 m) alta. La folioj estas ĉiamverdaj en la sudo de la habitato, sed deciduaj pli norde, kie vintroj estas pli malvarmaj; ili estas oval-elipsaj kun pinta apekso, 3-7 cm longa kaj 2-4 cm larĝa, kun glata aŭ tre fajne dentita marĝeno. Scintilbero kreskas sur sablodunoj, hamakoj, sekaj montoflankoj, herbejoj, kaj en ŝtonoza arbaro. Ĝi ankaŭ kreskas sur gamo da humidaj ejoj, kiel ekzemple malsekaj river-aluviejoj kaj laŭ riveretobordoj.
La floroj estas blankaj, sonorilformaj, kaj 3-4 mm en diametro kun kvin-loba korolo, produktita en grapoloj ĝis 5 cm longa. La frukto estas ronda seka bero proksimume 6 mm en diametro, verda komence, nigra kiam matura, manĝebla sed amara kaj malmola.
Vaccinium arboreum (Arbovakcinio aŭ Scintilbero) estas specio de Vakcinio indiĝena de la sudorienta Usono, de suda Virginio okcidente ĝis sudorienta Nebrasko, sude ĝis Florido kaj orienta Teksaso, kaj norde ĝis Ilinojso.
