Winter Aconite

Wšědna zymnička (Eranthis hyemalis) je rostlina ze swójby maslenkowych rostlinow (Ranunculaceae). Dalšej serbskej ludowej mjenje stej zymnik a zymska kwětka.

Wopisanje

Wšědna zymnička docpěwa wysokosć wot 5 hač 15 cm.

Stołpik je čerwjenobruny.

Spódnje łopjena so hakle po času kćěwa jewja a su kulojte a hač k spódkej pjećdźělne hač sydomdźělne. Wotrězki su dwulapate hač třilapate.

Kćěje wot februara hač měrca. Žołte kćenja docpěwaja šěrokosć wot 2 hač 3 cm.

Płody docpěwaja dołhosć wot 15 mm.

Stejnišćo a rozšěrjenje

Rosće we włóžnych lisćowych lěsach juhowuchodneje Europy, ale w srjedźnej Europje w zahrodach, parkach, winicach a kerčinach. Pochadźa originalnje z južneje a juhowuchodneje Europy.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 128 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)