Golden Crested Lophiola

Kłóskničkowe rostliny (Nartheciaceae) su swójba znutřka symjeńcow (Spermatophytina).

Systematika a rozšěrjenje

Areal swójby je jara disjunktny: z družinami w měrnich šěrinach sewjerneje połkule (Europa a Sewjerna Amerika), družinami w Aziji (Wuchodna Azija a Juhowuchodna Azija), a družinami w sewjerowuchodnej južnej Americe (Venezueliska a Guyana).

Mjeno swójby Nartheciaceae bu w lěće 1846 wot Elias Magnus Fries w Jonas Bjurzon: Skandinaviens Växtfamiljer i sammandrag framställda., Upsala, S. 64 wozjewjene. Typusowy ród je Kłósknička (Narthecium) Huds..

Pozicija rodow, kotrež su dźensa do Nartheciaceae zarjadowane, bu dołho diskutowana. Za dołhi čas buchu do Liliaceae zarjadowane, Dahgren et al. 1985 zarjadowaše hromadźe z rodami dźensnišich Tofieldiaceae a Petrosaviaceae do Melianthaceae a Tamura w lěće 1998 zarjadowaše do Petrosaviaceae. Molekulargenetiske přepruwowanja su pokazali, zo wone Burmanniaceae, Dioscoreaceae, Taccaceae a Thismiaceae blisko steja a jako bazalna skupina do porjada Dioscoreales słuša (Caddick et al. 2000, 2002). Monotypiski ród Metanarthecium Maxim. bu dołho diskutowany a jenička družina Metanarthecium luteoviride Maxim. z dwěmaj warjetetomaj wot Kurilow hač Japanskeje a Koreje bu wot Merckx et al. 2008 do roda Aletris jako Aletris luteo-viride zarjadowany.

Kwětnistwa wšědneje kłósknički (Narthecium ossifragum).

Eksistuje štyri hač pjeć rodow z něhdźe 41 družinami w swójbje Nartheciaceae:

• Aletris L.: Z něhdźe 25 hač 30 družinami w sewjernej Americe, na Bahamach a w wuchodnej Aziji. ^[1], ^[2]
• Lophiola Ker Gawl.: Z jeničkej družinu ^[3]:
  • Lophiola aurea Ker Gawler w sewjernej Americe.
• Kłósknička^[4] (Narthecium) Huds.: Ze štyri hač wósom družinami. ^[5]
• Nietneria Klotzsch ex Benth.: Z jenož dwěmaj družinomaj wot juhowuchodneje Venezueliskeje hač zapadneje Guyana a sewjerneje Brazilskeje.

Nóžki

1. ↑ Wopis wot Aletris w Flora of North America. (jendź.)
2. ↑ Wopis wot Aletris w Flora of China. (jendź.)
3. ↑ Wopis wot Lophiola w Flora of North America. (jendź.)
4. ↑ W internetowym słowniku: Ährenlilie
5. ↑ Wopis wot Narthecium w Flora of North America. (jendź.)

Eksterne wotkazy

Hlej wotpowědne dataje we Wikimedia Commons:
Nartheciaceae

Móžeš slědowace polěpšić:

• Rozšěr zarodk do nastawka
• Namakaj a dodaj žórła, kotrež tekst potwjerdźeja

---

Jeli sy jedyn z mjenowanych njedostatkow skorigował(a), wotstroń prošu potrjecheny parameter předłohi {{Předźěłuj}}. Podrobnosće namakaš w dokumentaciji.