Early Purple Orchid

Muska pihawka (Orchis mascula) je rostlina ze swójby orchidejowych rostlinow (Orchidaceae).

Tři kwětnistwa pihawki

Wopis

Pihawka je wjacelětna, zelišćowa rostlina, kotraž docpěwa wysokosć wot 15 hač do 60 cm.

Łopjena

Łopjena su blakate, dypkate abo jenož zelene a lancetojte. Delnje łopjena maja wotstajace łopjency.

Kćenja

Wona kćěje wot meje hač do junija. Kćenja su róžojte. Jich hubka maja zwjetša ćěmnu rysowanku a wotstajace bočne lapy a je třidźělna a dlěša hač šěroka. Wotroha je horicontalna abo horje zrunana a ma formu pleca. Čumpate kłóski z dołhosću mjez 5 a 15 cm wobsteja z 20 hač 70, purpurowych, róžojtych abo lila kćenjow, kotrež docpěwaja šěrokosć wot 2 cm. Kćenjowe łopjena su lancetojte, wótre, mjeztym zo 2 bočnej stej wotstajacej abo wotwodźěwanej .

Stejnišćo

Wona rosće na hórskich łukach, suchich trawnikach a we swětłych lisćowych lěsach.

Rozšěrjenje

Pihawka je w srjedźnej a južnej Europje, ale tež we Małoaziji rozšěrjena.

Nóžki

1. ↑ W internetowym słowniku: Knabenkraut

Žórła

• GU Naturführer Blumen, ISBN 3-7742-1507-3, strona 98 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 228 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 106 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Eksterne wotkazy

• Orchideen der Rhön (němsce)
• orchideaklub.mendelu.cz (čěsce)