Euphorbia verrucosa L.

Brodawkata mlóčeń (Euphorbia verrucosa) je rostlina ze swójby mlóčenjowych rostlinow (Euphorbiaceae).

Wopis

Brjodawkata mlóčeń je trajne zelo, kotrež docpěje wysokosć wot 30 hač do 50 cm. Rostlina wobsahuje běłu brěčku.

Měnjate, jasnozelene łopjena su dołhojte-owalne, sedźace, prědku sćeńka rězane a docpěja dołhosć wot 2 hač do 5 cm.

Kćenja

Kćěje wot meje hač do junija. Kwětnistwa su pozdatne wokołki a wobsteja zwjetša z pjeć promjenjow a njesu žołte abo oranžowe šěroko-owalne abo wopak jejkojte wysoke łopješka. Wobalka z wysokich łopješkow je owalna, njezrosćena a krótko stołpikata. Žałzy kćenjowych keluškow su owalne a žołte.

Płody

Płody su kapsle, kotrež njesu połkulowe hač cylindriske brodawki a docpěja dołhosć wot 3 hač do 4 mm.

Stejnišćo

Rosće na suchich łukach a pastwach, na skłoninach. Ma radšo suche, hłubokosahace pódy na tróšku ćoplišich stejnišćach.

Rozšěrjenje

Rostlina je w srjedźnej a južnej Europje rozšěrjena.

Wužiwanje

Nóžki

1. ↑ W internetowym słowniku: Wolfsmilch

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 162, z wědomostnym mjenom Euphorbia brittingeri Opiz a synonymom Euphorbia verrucosa L. (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 262 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Brodawkata mlóčeń

Brodawkata mlóčeń. W: FloraWeb.de. (němsce)