Ursus arctos middendorffi Merriam 1896

Кодяк баавгай (Ursus arctos middendorffi) мөн Аляскын хүрэн баавгай,^[1] хүрэн баавгайн хамгийн том дэд зүйл бөгөөд Аляскын Кодяк ольтригт тархсан. Нутгийн уугуул иргэдийн хэлээр (Алютийк): Taquka-aq.

Тодорхойлолт

Таксономи

Таксономич С.Х. Мерриам Кодяк баавгайг анх ялгаж, Оросын алдарт байгаль судлаач Др. фон Миддендорффын нэрээр нэрлэжээ.^[2] Үүний дараа гарсан таксономийн нэмэлт өөрчлөлтөөр Хойд Америкийн хүрэн баавгайн ихэнх дэд зүйлийг нэг дэд зүйл болгон (Ursus arctos horribilis) нэгтгэсэн боловч, Кодяк баавгай өнөөг хүртэл өвөрмөц дэд зүйл хэвээр тооцогддог (Ursus arctos middendorffi). Сүүлийн үеийн генетикийн судалгаагаар Кодяк Аляскын хойг, Оросын Камчаткын хойгийн хүрэн баавгайтай их ойр холбоотой болохыг тогтоосон. Кодяк баавгай генетикийн хувьд дор хаяж сүүлийн мөстлөгийн үед (10000-12000 жилийн өмнө) тусгаарлагдсан бөгөөд популяцийн дотор генетикийн өөрчлөлт маш бага байдаг.^[3] Одоогийн популяц нь эрүүл, үржсээр байгаа боловч шинэ өвчин буюу шимэгчид эмзэг байж болно.

Зүс

Үсний өнгө нь шараас (эвш болон ольтригийн өмнөд хэсгийн баавгайнууд) бараан хүрэн хүртэл янз бүр. Бамбарууш нь эхний хэдэн жил хүзүүгээ тойрсон цагаан цагаригтай байдаг. Кодякийн зүс маш ойрын төрөл болох гриззли баавгайтай төстэй.

Эшлэл

1. ↑ bear, or Alaskan brown bear, or Ursus arctos middendorffi, or Ursus gyas, or Ursus middendorffi (mammal). Related articles Британника нэвтэрхий толь
2. ↑ Merriam, C. H. 1896. Ursus middendorffi. 69–71. Proceedings of the Biological Society of Washington.
3. ↑ Talbot, S. L. J. R. Gust, G. K. Sage, A. Fischbach, K. Amstrup, W. Leacock, and L.Vav Daele. 2006. Genetic characterization of brown bears of the Kodiak Archipelago. Final report to the Kodiak National Wildlife Refuge, Kodiak Alaska, USA.

– Викимедиа дуу дүрсний сан