Soskis aba bronts (luotīnėškā: Cuscuta) ī tuokis vėjorkis, parazėtėnis augals.
Ons nator nī lapu, nī šaknū ė laikas apsisokė̄s aple kėtus augalus. Žėidā anou maži, solindė̄ i koukštus. Soskis tor tuokius siorbtokus, katrās prikimb prī kėtū augalū ė siorb ėš anūm soltis. Tap bronts teriuo tou augala ė gal parneštė augalū lėgas.
Soskis mūčėn duobėlus, nuotrīnas, lėnus, kanapės, karklus, vairės žuolės. Ka žemės soskis ontsimet, sokas kesolās pu lėnus, pu duobėlus.
