Liông-pôaⁿ-lūi (lat. Saurischia) sī khióng-liông nn̄g tōa lūi chi it. Thoân-thóng ê hun-lūi sī 1888 nî Harry Seeley kiàn-li̍p--ê, kā khióng-liông pun chò Liông-pôaⁿ-lūi kap Chiáu-pôaⁿ-lūi nn̄g-ê bo̍k, chóng-sī hiān-taⁿ kó͘-seng-bu̍t-ha̍k it-poaⁿ kā liông-pôaⁿ-lūi hun chò chi̍t-ê clade (ha̍h tan-hē-thóng sèng-chit ê hun-lūi tan-goân), m̄-sī bo̍k ê chân-kip.
It-poaⁿ chia̍h-bah-lūi ê khióng-liông, to̍h sī chi̍t kóa siù-kha-lūi (theropoda), sī sǹg liông-pôaⁿ-lūi ê chi̍t hūn. Tông-sî só͘-ū ê chiáu-lūi, pō͘-hūn ê liông-kha-hêng (Sauropodomorpha) chia̍h-chháu khióng-liông, lóng sio̍k pún lūi. Chiáu-lūi sī in î-it lâu-thoân ê āu-tāi, nā tī hun-lūi-ha̍k-siōng, thang sǹg sī liông-pôaⁿ-lūi ê chhù-clade.
