Die paraffienbos (Chromolaena odorata) is 'n indringerplant en digte, ruigtevormende struik. Dit kom voor in KwaZulu-Natal en is inheems aan Sentraal-Amerika suidwaarts tot in Argentinië.
Die struik kan tot 4m hoog word en groei in savanne, waterlope, langs paaie en woudrande. Die struik het teenoorstaande, spreidende takke. Die blare is enkelvoudig en liggroen, ovaal tot driehoekvormig en ruik na paraffien of terpentyn wanneer dit fyngedruk word. Die struik kan immergroen wees maar die loof verloor sy kleur tydens die droeë wintermaande. Die blommetjies is silindries en is wit of ligblou. Die saadjies is fyn en word deur die wind versprei. Hulle kom in stekelrige trosse voor.
Wikimedia Commons het meer media in die kategorie Paraffienbos.
Wikispecies het meer inligting verwant aan: Paraffienbos
Die paraffienbos (Chromolaena odorata) is 'n indringerplant en digte, ruigtevormende struik. Dit kom voor in KwaZulu-Natal en is inheems aan Sentraal-Amerika suidwaarts tot in Argentinië.
