Speyeria alexandra

Aleksandra sədəflisi (lat. Argynnis alexandra) - Pulcuqluqanadlılar dəstəsinə, Nimfalidlər fəsiləsinə aid növ.,

Təsviri

Qanadları açılmış halda erkəklər 45 mm, dişilər isə 55 mm-dir. Qanadların üst tərəfi kərpici - qırmızı rəngdə olub, üzərində çoxlu sayda kiçik ləkələr vardır. Arxa qanadların alt səthi yaşıla çalan sədəf rəngli olub, üzərində gümüşü ləkələr vardır. Bu ləkələr qanadın əsasına doğru cəmlənmişdir. ^[1]

Yayılması

Talış meşələri.

Həyat tərzi

Kol və ayıdöşəyi pöhrəliklərində, meşə talalarında və kənarlarında, yollar və cığırlar boyunda. Kəpənəklər mayın axırında iyulun ortalarına qədər uçur. Tırtıllar iyul – avqustda yerli bənövşənin- Viola caspia Kupff, yarpaqları ilə qidalanır. Puplar qışlayır. İldə bir nəsil verir. Tırtıllar və puplar Chalcidae fəsiləsindən olan parazitoid zarqanadlılar üçün sahib hesab edilir.^[2]

Sayı

Azsaylı növdür. R.Əffəndi tərəfindən Talış meşələrində 7 kəpənəyi, 1984-cü ildə B.Luxtanova tərəfindən 2 kəpənək, 2004-cü ildə İ.Plyuş tərəfindən 2 kəpənəyi qeydə alınmışdır.

Qorunması üçün qəbul edilmiş tədbirlər

Azərbaycanın Qırmızı kitabının I nəşrinə daxil edilmişdir.^[3]

Qorunması üçün məsləhət görülmüş tədbirlər

Kəpəyin biologiyası ətraflı öyrənilməlidir. Yaşayış yerlərinə müntəzəm monitorinqlər təşkilı edilməlidir. Kəpənəklərin tutulmasının qadağan edilməsi.

Ədəbiyyat

1. Azərbaycanın Qırmızı Kitabı, Bakı,II Cild, 2013.
2. Рябов М.А. Чешуекрылые Кавказа. Животный мир СССР, т.V, М.–Л., изд-во АН СССР, 1958, с. 351 - 475;
3. Эффенди Р.М. Высшие чешуекрылые Азербайджана. Автореф.дис.канд.биол.наук, Баку, 1971, 24 с.;
4. Коршунов Ю.П. Каталог булавоусых чешуекрылых (Lepidoptera, Rhopalocera) фауны СССР. Энтомологич.обозрение, т. LI, вып. 1 - 2, 1972, с. 136 - 154, 352 - 368.

Həmçinin bax

Loniya bərqvuranı

Hilata

Talış məxməri kəpənəyi

Xrizip

İstinadlar