Kejžorska pawlownija (Paulownia tomentosa, syn.: P. imperialis, němsce Blauglockenbaum, Kaiserbaum, Kaiserpaulownie[1]) je štom ze swójby pawlownijowych rostlinow (Paulowniaceae)[1]. Prjedy bu do swójby trudownikowych rostlinow zaličany.
Kejžorska pawlownija je w lěću zeleny štom abo kerk, kotryž docpěje wysokosć wot 10 hač do 15 (20) m.
Króna je šěroka a wotewrjena. Zdónk je runy.
Přećiwostejne łopjena maja hač do 40 cm dołhe stołpiki. Łopjency su šěroko wutrobojte abo słabje lapate, na woběmaj bokomaj kosmate a docpěja dołhosć wot 15 hač do 30 cm.
Kćenjowe pupki su napadnje cymtbrune, za zymu čućiwe. W miłych zymach hižo w zymje na štomje wisaja. Kćěje wot apryla hač do meje. Kćenja su zwonojte abo likojte a wisaja w zrunanych kićach[1] z maksimalnej wysokosću wot 30 cm. Wone sylnje wonja a so před łopjenami jewja. Króna je swětłowioletna hač módrowioletna, rołkojta a docpěje dołhosć wot 4 hač do 6 cm. Nutřka su žołte smužki.
Płody su zelenojte, wótre, jejkojte kapslowe płody. Wone su njejědźne.
Štom wobsahuje verbascosid.[1]
Rosće na w lěću ćopłych, čumpatych, wutkatych a přesakliwych pódach.
Pochadźa z srjedźneje a sewjerneje Chiny. Hižo je we wuchodnej sewjernej Ameriki zadomjeny.
Štom so w Europje jako parkowy štom plahuje, předewšěm w klimatisce přihódnych regionach. Z jeho drjewa so črijowe póduše a sandale zhotuja.
Kejžorska pawlownija (Paulownia tomentosa, syn.: P. imperialis, němsce Blauglockenbaum, Kaiserbaum, Kaiserpaulownie) je štom ze swójby pawlownijowych rostlinow (Paulowniaceae). Prjedy bu do swójby trudownikowych rostlinow zaličany.
KwětnistwoPłodyOriginalna rysowanka wot von Siebolda