Math o blanhigyn, di-flodau, ac un o lysiau'r afu yw Codlys meylan (enw gwyddonol: Calypogeia integristipula; enw Saesneg: Meylan's pouchwort). O ran tacson, mae'n perthyn i urdd y Jungermanniales, o fewn y dosbarth Jungermanniopsida.
Nid yw’r rhywogaeth hon i’w chanfod yng Nghymru, ond mae i'w gael dros y ffin yng Nghaer, ac oddi yno i'r Alban. Mae hefyd i'w gael mewn ambell le yn Iwerddon ac yn ne-ddwyrain Lloegr.
Er mwyn adnabod y rhywogaeth hon, mae'n rhaid edrych arni drwy feicrosgop. Mae'n debyg iawn i'r Codlys nees. Mae coesynnau'r Codlys meylan (C. integristipula) yn 1.5–3 mm o led, gyda dail 1.5 mm o hyd a 1.3 mm o led.
Fel y codlys nees, mae'n blanhigyn sy'n hoffi tir asidig e.e. cors a gall hefyd dyfu ar lethrau mawnog neu ar glogwyni sydd wedi'u gorchuddio â hwmws. Yn fwy anaml fe'i ceir yn y cysgod ar foncyffion sy'n pydru.
Planhigion anflodeuol bach o'r rhaniad Marchantiophyta yw llysiau'r afu. Defnyddir y term "lysiau'r afu" am un planhigyn, neu lawer. Erbyn 2019 roedd tua 6,000 o rywogaethau wedi cael eu hadnabod gan naturiaethwyr.[1] Fe'u ceir ledled y byd, mewn lleoedd llaith gan amlaf. Mae gan lawer ohonynt goesyn a dail ac maent yn debyg i fwsoglau o ran golwg.
Mae rhai rhywogaethau i'w cael yng Nghymru; gweler y categori yma.
Math o blanhigyn, di-flodau, ac un o lysiau'r afu yw Codlys meylan (enw gwyddonol: Calypogeia integristipula; enw Saesneg: Meylan's pouchwort). O ran tacson, mae'n perthyn i urdd y Jungermanniales, o fewn y dosbarth Jungermanniopsida.
Nid yw’r rhywogaeth hon i’w chanfod yng Nghymru, ond mae i'w gael dros y ffin yng Nghaer, ac oddi yno i'r Alban. Mae hefyd i'w gael mewn ambell le yn Iwerddon ac yn ne-ddwyrain Lloegr.
