Green Plants

D Chloroplastida^[1] sin e Gruppe vu photosynthetisch aktive Eukaryote, also Läbewäse mit Zällchärn. Zue ihne ghere d Grienalge un d flanze.

Merkmole

Di maischte Chloroplastida hän photosynthetisch aktivi Plaschtide mit Chlorophyll a un b, d Chloroplaschte. Uusnahme sin sonigi, wu sekundär d Fähigkait zur Photosynthese wider verlore hän. Doderzue zelle zem Byschpel di parasitisch Vogel-Neschtwurz oder di farblos Alge Polytoma^[2]. D Plaschtide stamme vun ere primäre Endosymbiose mit em Cyanobakterium. Vylmol het s in dr Plaschtide ne Pyrenoid din. D Chloroplastida hän zmaischt e Zällwand us Zällulose. D Cristae vu dr Mitochondrie sin flach. As Spycher-Chohlehydrat dient Sterchi. Mit Uusnahm vu dr Angiosperme hän d Zälle Zentriole^[2].

Syschtematik

Innerhalb vu dr Chloroplastida git es zwoo großi Klade, wu stark vonenander drännt sin: d Chlorophyta un d Charophyta (wu au d Pflanze derzue ghere). D Chlorophyta un au vyl Verdrätter vu dr Charophyta wäre klassischerwys Grienalge gnännt. Wäge däm wird dr Uusdruck Grienalge nimi fir e aige Taxon brucht.

Adl et al. glideren in Aalähnig an Lewis un McCourt d Chloroplastida in die Gruppe ohni klassischi Rangstapfle (d Chlaigruppe, wu bi Adl et al. ewäggloo sin, sin wider yygfiegt):

• Chlorophyta
  • Ulvophyceae
  • Trebouxiophyceae
  • Chlorophyceae
• Chlorodendrales
• Prasinophyceae
• Mesostigma
• Charophyta
  • Coleochaetales
  • Chlorokybus
  • Klebsormidium
  • Zygnemophyceae
    • Jochalge (Zygnematales)
    • Zieralge (Desmidiales)
  • Streptophytina
    • Armlychteralge (Charales)
    • Pflanze (Plantae)

D Chloroplastida entspräche dr Viridiplantae Cavalier-Smith, 1981; dr Chlorobionta Jeffrey, 1982, emend. Lewis und McCourt, 2004; un dr den Chlorobiota Kendrick und Crane, 1997.

Literatur

• Louise A. Lewis, Richard M. McCourt: Green Algae and the origin of land plants: American Journal of Botany 91 (10), 2004, Seiten 1535-1556. Abstract und Volltext

Fueßnote

1. ↑ Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle, Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor: The New Higher Level Classification of Eukaryotes with Emphasis on the Taxonomy of Protists. The Journal of Eukaryotic Microbiology 52 (5), 2005; Seiten 399-451 (Abstract und Volltext (Memento vom 14. Septämber 2017 im Internet Archive))
2. ↑ ^{2,0 2,1} Sitte, P. et al. (1991): Lehrbuch der Botanik für Hochschulen. 33. Auflage. Gustav Fischer Verlag