La Banka kormorano (Phalacrocorax neglectus), konata ankaŭ kiel Kormorano de Wahlberg estas mezgranda kormorano kiu estas endemia de Namibio kaj de la okcidenta marbordo de Sudafriko, kiu loĝas en kaj ĉirkaŭ marbordaj akvoj; ĝi estas rare registrita je pli ol 15 km el marbordo.
La Banka kormorano estas fortika birdo, ĉirkaŭ 75 cm longa. Ĝi estas ĝenerale nigra laŭ aspekto kun bronzkolora nuanco, kvankam la flugiloj estas malhelbrunaj pli ol vere nigraj. Plenkreskuloj havas malgrandajn krestojn en siaj kapoj, kaj normale havas blankan pugon.
Ĉefa manĝo de tiuj birdoj estas la palinuro Jasus lalandii, kaj ties manĝodistribuado ege koincidas kun la algejoj de Laminarialoj kie loĝas tiuj omaroj, kvankam la birdoj manĝas ankaŭ varion de aliaj krustulojn kaj fiŝpredoj, ĉefe la Pacifika gobio Sufflogobius bibarbatus.
Tiuj birdoj povas reproduktiĝis je ĉiu ajn epoko de la jaro; la ino demetas du al tri kalkecblankajn ovojn en nesto konstruita el algoj kaj guano.
Nombroj de tiuj birdoj ege malpliiĝis dum la lastaj jardekoj, parte pro komerca fiŝkaptado de la Pacifika gobio, parte pro pliigo de homa ĝenado, kaj parte ĉar la nombroj de Dominika mevo ege pliiĝantis pro homa nutrado, kaj la mevoj estas aktivaj predantoj de la kormoranaj ovoj kaj idoj. La tutmonda populacio estas probable nuntempe nur ĉirkaŭ 4,000 birdoj. Plej gravaj populaciejoj estas en la insulo Mercury kaj Iĉaboe en Namibio.
La Banka kormorano (Phalacrocorax neglectus), konata ankaŭ kiel Kormorano de Wahlberg estas mezgranda kormorano kiu estas endemia de Namibio kaj de la okcidenta marbordo de Sudafriko, kiu loĝas en kaj ĉirkaŭ marbordaj akvoj; ĝi estas rare registrita je pli ol 15 km el marbordo.
