Tamarix (los tamarisses) es un genre d'arbustes o d'arbres qu'aparten a la familha de las Tamaricacèas. Es frequent dins las regions mediterranèas, ont pòt èsser espontanèu o cultivat. Sas flors printanièras (març-abril) forman de fòrça catons de color ròsa o blanquinosa. Sas pichonas fuèlhas altèrnas e escatosas son semblablas a aquelas d'unes conifèrs. Lo fruch es una pichona capsula triangulara.
Lo tamarix gallica es adaptat al climat mediterranèu alara que lo tamarís anglés (Tamaris anglica Webb.) es mai adaptat al climat oceanic e s'encontra sus la còsta atlantica.
L'Exsudat del tamarís (Tamarix mannifera) seguent la fissada de la cochenilha Trabutina mannipara, aquesta mana seriá, per unes autors, la manna de la Bíblia.
Après l'assassinat del dieu Osiris per son grand fraire Seth, gelós, l'ataüc contenent lo còrs d'Osiris, portat pels corrents se ven en Fenicia, a Biblos, o s'encastra dins lo pé d'un tamarís gigant.
Tamarix (los tamarisses) es un genre d'arbustes o d'arbres qu'aparten a la familha de las Tamaricacèas. Es frequent dins las regions mediterranèas, ont pòt èsser espontanèu o cultivat. Sas flors printanièras (març-abril) forman de fòrça catons de color ròsa o blanquinosa. Sas pichonas fuèlhas altèrnas e escatosas son semblablas a aquelas d'unes conifèrs. Lo fruch es una pichona capsula triangulara.
