ಸಂದ್ ಬೂರು ಪನ್ಪುನವು ಮರ್ದ್ದ ಅಂಶ ಉಪ್ಪುನಂಚಿನ ಒಂಜಿ ಬೂರು.ಈ ಬೂರು ವೈಟೇಸಿ ಪನ್ಪಿನ ಕುಟುಂಬೊಗ್ ಸೇರೊಂದು ಸಿಸಸ್ ಕ್ವಾಡ್ರಾಂಗ್ಯುಲಾರಿಸ್ (cissus quadrangularis) ಪನ್ಪಿಂಚಿನ ವೈಜ್ನಾನಿಕ ಪುದರ್ ಪಡೆವೊಂದುಂಡು. ಸುಮಾರ್ ೧.೫ ಎರ್ದ್ ೨ಮೀ. ಮುಟ್ಟ ಪಸರೊಂದು ಬುಳೆಪುನ ಈ ಬೂರು ರಸವತ್ತಾಯಿನ ಚೌಕಾಕಾರದ ಕಾಂಡೊಲೆನ್ ಪಡೆವೊಂದು,ಪ್ರತೀ ಕಣ್ಣ್ಗ್ಲಾ ಒಂಜಿ ಎಲ್ಯ ಇರೆನ್ ಪಡೆವೊಂದುಂಡು.ಉಂದೆರ್ದಾವರ ಈ ಬೂರುನು ವಜ್ರವಳ್ಳಿ ಇಜ್ಜಾಂಡ ಚತುರ್ದಾರ ಪಂದ್ಲಾ ಪನ್ಪೆರ್. [೧]
ಒಲ್ಪ ತಿಕುಂಡು
ಉಂದೆನ್ ಎಚ್ಚಾದ್ ಭಾರತ, ಬಾಂಗ್ಲಾದೇಶ ಬೊಕ್ಕ ಶ್ರೀಲಂಕಾದಂಚಿನ ಉಷ್ಣ ಪ್ರದೇಶೊಲೆಡ್ ಬುಲೆಪಾವೆರ್.
ಪ್ರಯೋಜನೊಲು
- ಸಂದ್ ಬೂರು ಪನ್ಪಿನ ಪುದರೇ ಪನ್ಪಿಲೆಕ ಈ ಬೂರುನು ಗಂಟ್ ಬೇನೆ/ಸಂದ್ ಬೇನೆ ಕಮ್ಮಿ ಮನ್ಪೆರೆಗಾದ್ ಉಪಯೋಗ ಮಲ್ಪುವೆರ್.
- ಈ ಬೂರು ಮನುಷ್ಯನ ಎಲು ಬೊಕ್ಕ ಕೀಳ್ ಜೋಡಣೆಗ್ ಉಪಯುಕ್ತ ಆಯಿನೆರ್ದಾವರ ಉಂದೆನ್ ಅಸ್ಥಿಶೃಂಖಲ ಪಂದ್ಲಾ ಲೆಪ್ಪುವೆರ್.
- ಮೈ-ಕೈ ಬೇನೆಗ್ಲಾ ಉಂದು ಬಾರಿ ಎಡ್ಡೆ ಮರ್ದ್.
- ದಿನೋಲ ೨೦ಗ್ರಾಂ ಸಂದ್ ಬೂರುನು ಪೇರ್ದೊಟ್ಟಿಗೆ ಸೇವನೆ ಮಲ್ತ್ಂಡ ನಮ್ಮ ಎಲು ಆರೋಗ್ಯಪೂರ್ಣವಾದ್ ಇಪ್ಪುಂಡು.
- ಕಾಲಿ ಮರ್ದ್ಗ್ ಅಥ್ಥಾಂದೆ ಉಂದೆನ್ ತರಕಾರಿದಲೆಕಲ ಉಪಯೋಗ ಮನ್ಪುವೆರ್.
- ಉಂದೆಟ್ ಕ್ಯಾಲ್ಸಿಯಂ ಬೊಕ್ಕ ಜೀವಸತ್ವ 'ಸಿ'ಅಂಶೊಲೆನೊಟ್ಟು ವಿಟಾಮಿನ್ 'ಎ' ಆಂಟಿ ಆಕ್ಸಿಡೆಂಟ್ ಜಾಸ್ತಿ ಉಂಡು.
- ಈತ್ ಮಾತ ಅತ್ತಾಂದೆ ಉಂದೆನ್ ಜೀವೊದ ದುನ್ನ ಕಮ್ಮಿ ಮನ್ಪೆರೆ,ಮೈ-ಕೈ ಬೇನೆ,ಬೊಕ್ಕ ದಮ್ಮುದ ತೊಂದರೆಲೆನ್ ಪೂರ ಕಮ್ಮಿ ಮನ್ಪೆರೆ ಬಳಕೆ ಮನ್ಪುವೆರ್.
- ಈ ಬೂರುನು ಮಿಕ್ಸಿಡ್ ಪಾಡಂದೆ ಕಲ್ಲ್ಡ್ ಗುದ್ದುದು ಪುಂಟುದು ಅವೆತ ರಸನ್ ಖಾಲಿ ಬಂಜಿಗ್ ದೆತೊಂಡ ಮಸ್ತ್ ಎಡ್ಡೆ.
ಬೇತೆ ಬಾಸೆಲೆಡ್
-
ಸಂಸ್ಕೃತ - ಅಸ್ಥಿಸಂಹಾರಕ, ಅಸ್ಥಿಶೃಂಖಲ, ವಜ್ರವಲ್ಲಿ[೨]
-
ಕನ್ನಡ - ಸಂದು ಬಳ್ಳಿ
-
ಬೆಂಗಾಲಿ - ಹರೊಜೊರ
-
ಹಿಂದಿ - ಹಡ್ಜೋಡ್
-
ಮರಾಠಿ - ನಾದೇನ
-
ತಮಿಳು - ಪಿಂಡೈ
-
ತೆಲುಗು - ನಲ್ಲೇರು
-
ಇಂಗ್ಲೀಷ್ - (edible stemmed vine; bone setter)
- ವೈಜ್ಞಾನಿಕ ಪುದರ್ - (cissus quadrangularis) L
ಉಲ್ಲೇಕೊ
-
↑ http://negilamiditha.uahs.edu.in/2017OCT/29/
-
↑ https://sites.google.com/site/indiannamesofplants/via-names/tulu/sand-buru-sandu-booru