White Cinquefoil

Běły porstnik (Potentilla alba) je rostlina ze swójby róžowych rostlinow.

Wopis

Běły porstnik docpěwa wysokosć wot 5 hač 20 cm.

Stołpik je kosmaty a jednokwětny hač pjećkwětny.

Łopjena

Łopjena su pjećličbnje porstowane, na hornim boku zelene, na delnim boku slěbroběłe. Pjerite łopješka su lancetojte a docpěwaja dołhosć wot 3 hač 6 cm a maja na woběmaj bokomaj jedyn hač štyri zubki.

Kćenja

Wón kćěje wot apryla hač do junija. Kćenja su běłe, docpěwaja šěrokosć mjezy 1,5 a 2,5 cm a maja 5 wutrobičkojtych, jedyn druheho překrywacych krónowych łopješkow, kotrež su mało dlěše hač keluškowe łopješka. Stameny su nahe.

Stejnišćo

Wón rosće w suchich lisćowych měšanych lěsach.

Rozšěrjenje

Běły porstnik je we wuchodnej a srjedźnej Europje rozšěrjeny.

Noty

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 358.
2. ↑ W internetowym słowniku: Fingerkraut

Žórła

• GU Naturführer Blumen, ISBN 3-7742-1507-3, stronje 182-183 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 60 (němsce)

Eksterne wotkazy

ilustracija, Jacob Sturm (1796)

• BioLib (čěsce), (jendź.)
• USDA plants database (jendź.)