Bushy Tailed Opossum

Glironia venusta é unha especie de mamífero marsupial didelfimorfo da familia dos didélfidos,^[2] e, segundo a clasificación de Voss e Jansa, a única integrante da subfamilia dos glironiinos e do seu único xénero Glironia.^[3]

Porén, outros autores sitúana na subfamilia dos didelfinos,^[4] ou na subfamilia dos caluromiinos desta familia,^[5][6]

Coñécese ha bibliografía internacional como sarigüeia de cola de pincel' ou glironia gris.

É unha pequena sarigüeia que vive en Bolivia, Brasil, Ecuador, Perú e Colombia.^[7]. O seus hábitats naturais son os bosques tropicais e subtropicais da Amazonia, desde as terras baixas húmidas até os 500 m de altitude.^[1]

Taxonomía

Descricións

O xénero describiuno en 1912 o zoólogo británico especializado en mamíferos Oldfield Thomas, en Ann. Mag. Nat. Hist., ser. 8, 9: 239.^[8]

A especie foi descrita no mesmo ano, e polo mesmo autor, en Ann. Mag. Nat. Hist., ser. 8, 9: 240.^[2]

Sinónimos

A especie, ademais de polonome que lle impuxo Thomas, e actualmente válido, coñeceuse tamén polos sinónimos:

• Glironia aequatorialis Anthony, 1926 ^[2]
• Glironia criniger Anthony, 1926 ^[2]
• Marmosa aceramarcae Tate, 1931 ^[1]

Caractarísticas

A sarigüeia de cola de pincel tan a pelaxe de color que varía da parda á gris, con raias negras desde o nariz á testa, a través dos ollos.
Unha ampla e prominente bada de cor parda escura con raias negras esténdese ao redor de cada ollo, o que lle dá a aparencia dunha máscara.
As orellas son ovaladas, grandes, espidas e de cor negra. As mans e os pés son de cor parda ou gris. A cola é tupida, coa pel grosa.^[7]
Pesa de 195 a 225 g.^[9] A lonxitude da cabeza e tronco é de 16 a 20,5 cm.^[7]

Estado de conservación

Segundo a Unión Internacional para a Conservación da Natureza e dos Recursos Naturais, o status desta especie na actualidade (2016) é de LC (pouco preocupante).^[1]

Notas

Véxase tamén

Bibliografía

• Gould, Edwin; McKay, George & Kirshner, David (1988): Encyclopedia of mammals. San Diego, CA, USA: Academic Press. ISBN 978-0-1229-3670-1.
• Grzimek, B.; Schlager, N. e Olendorf, D. (2003): Grzimek's Animal Life Encyclopedia. Detroit: Thomson Gale.
• Kemp, T. S. (2005): The Origin & Evolution of Mammals. Oxford: Oxford University Press. ISBN 978-0-19-850761-5.
• McKenna, M. C. e Bell, S. K. (1997): Classification of Mammals Above the Species Level. New York: Columbia University Press. ISBN 978-0-231-11013-8.
• Wilson, D. E. & Reeder, D. M., eds. (2005): Mammal Species of the World - A Taxonomic and Geographic Reference. Third edition. Baltimore, Maryland, USA: The Johns Hopkins University Press, 2 vols. ISBN 978-0-8018-8221-4.

Outros artigos

• Marsupiais
• Ameridelfos
• Didelfimorfos
• Didélfidos