Wild Boar

Sus scrofa (L., 1758) ye o nombre scientifico d'a especie de mamifero ungulato y artiodactilo que inclui es chabalins d'o viello mundo y es tocins domesticos, deseparatos a diversas subespecies y variedatz cheograficas, totas ellas con capacidat de reproducir-se entre ellas producindo descendencia fertil.

A especie estió descrita per primer vegada en 1758 en Alemania como a Sus scrofa, y dimpués se respetó a denominación scrofa como forma especifica t'a subespecie centroeuropea, dixando-se t'as altras (incluito lo tocino) as denominacions més segundarias.

l'Asqueleto d'a forma nominal d'o Sus scrofa.

Subespecies

Dividitas en cinco grans brancas:

• Sus scrofa scrofa, o chabalín europeu, representato en a Peninsula Iberica per dos variedatz. Sus scrofa castilianus y Sus scrofa baeticus.
• Sus scrofa ussuricus, chabalín de l'Asia ultra-himalaya, que en Chapón ye representato per dos variedatz local, ditas Sus scrofa riukunianus y Sus scrofa leucomystax.
• Sus scrofa cristatus, chabalín con diferents variedatz en Asia menor y India.
• Sus scrofa vittatus, chabalín d'Indonesia.
• Sus scrofa domesticus, o tocín domestico con totas as suyas variedatz fenotipicas: S.s. barbatus, S.s. salvanius, S.s. verrucosus, S.s. bucculentus, S.s. cebifrons, S.s. celebensis, S.s. heureni, S.s. philippensis, S.s. timoriensis, etz.