La vacalloria menor (Dorcus parallelipipedus) ye una especie de coleópteru de la familia Lucanidae.
El machu mide ente 2 y 3 cm de llargor, cola cabeza grande y ancha. Son de color negro, con fuertes quexales y antenes en forma de maza con lameles —laminuques formaes polos últimos alfayes— en forma de peñe, ensin que puedan arrexuntase.[1] Los élitros tienen rnamentaciones llonxitudinales. Los güeyos dispónense nos estremos llaterales de la cabeza. La canesba alcuéntrase na albura de los tueros d'árboles muertos.[2][3]
La so distribución ye paleártica, alcontrándose en cuasi toa Europa, norte d'África y Oriente Próximu, en montes, sebes, parques y próximu a zones urbanizaes.[4] Vuela al atapecer, polo que se-y puede ver atrayíu pola lluz de focos y faroles.[2]
La vacalloria menor (Dorcus parallelipipedus) ye una especie de coleópteru de la familia Lucanidae.