Kardamino [1] (Cardamine), estas vasta genro de angiospermoj el la familio de la brasikacoj. Ĝi enhavas pli ol 150 speciojn de unujaraj plantoj kaj staŭdoj. La genro troviĝas en diversaj biotopoj tutmonde, escepte de Antarkto. Plantoj el la antaŭa genro Dentaria nun apartenas al la genro Cardamine.
La folioj prezentas diversajn formojn, laŭdimensie ekde tre etaj ĝis mezgrandaj. Ili formas rozeton, povas esti paraj aŭ neparaj pinataj kaj troviĝas kaj ĉe la bazo kaj ĉe la supra parto de la tigo, kun mallarĝaj pintoj. La foliaj randoj povas esti glataj, segildentaj aŭ duoble dentaj. La tigo-internodoj ne estas fortikaj. La radialaj simetriaj floroj troviĝas grapole aŭ korimbe en multflora infloresko. La blankaj, rozkoloraj, purpuraj aŭ violkoloraj floroj povas esti tre etaj aŭ mezgrandaj. La petaloj pli longas ol la sepaloj. La fertilaj floroj estas hermafroditaj. Parto de la plantoj havas medicinajn valorojn (kuracado de kora aŭ stomaka malsanoj).
La scienca nomo Cardamine estas derivita de la greka kardamomo, neparenca planto el la familio de la zingiberacoj, uzata kiel akra spico en kuirado.
Kardamino (Cardamine), estas vasta genro de angiospermoj el la familio de la brasikacoj. Ĝi enhavas pli ol 150 speciojn de unujaraj plantoj kaj staŭdoj. La genro troviĝas en diversaj biotopoj tutmonde, escepte de Antarkto. Plantoj el la antaŭa genro Dentaria nun apartenas al la genro Cardamine.
La folioj prezentas diversajn formojn, laŭdimensie ekde tre etaj ĝis mezgrandaj. Ili formas rozeton, povas esti paraj aŭ neparaj pinataj kaj troviĝas kaj ĉe la bazo kaj ĉe la supra parto de la tigo, kun mallarĝaj pintoj. La foliaj randoj povas esti glataj, segildentaj aŭ duoble dentaj. La tigo-internodoj ne estas fortikaj. La radialaj simetriaj floroj troviĝas grapole aŭ korimbe en multflora infloresko. La blankaj, rozkoloraj, purpuraj aŭ violkoloraj floroj povas esti tre etaj aŭ mezgrandaj. La petaloj pli longas ol la sepaloj. La fertilaj floroj estas hermafroditaj. Parto de la plantoj havas medicinajn valorojn (kuracado de kora aŭ stomaka malsanoj).
La scienca nomo Cardamine estas derivita de la greka kardamomo, neparenca planto el la familio de la zingiberacoj, uzata kiel akra spico en kuirado.
